上回講到我37週2感覺到一出力，下身就有水滲出嚟，之後當日我就入咗院檢查，去到第二朝做埋羊水穿破測試，發覺真係穿咗水，所以就更加肯定我唔洗返屋企，要準備打大佬生bb啦！ 不過個朝醫院早餐係兩碗麥皮加包餅，我都心禁不妙，因為肯定勁快又肚餓！所以喺度建議大家一定要帶野食入去，如果咁橋入到去啱啱過埋送餐時間，咁就真係咩都唔使食喇！ 食完嘢到10點半，我就過咗待產房等落催生藥，一去到姑娘即刻叫我坐瑜伽波，我都玩咗45分鐘，之後11點半開始落藥，依個時候老公已經入嚟陪產，一開始我哋有傾計，之後護士長講解減痛方法同心情調整等等，咁橋位護士長係我幾年前生皓皓時都幫過我。今次同佢傾完更加明白自己夠放鬆，度數先開得快，所以我今次真係盡量放鬆，接受自己能夠克服既心態去迎接陣痛。 今次我用既減痛方法同次序有音樂，按摩，電掣，暖包，同埋無痛分娩。今次我第一次用按摩同暖包，其實樣樣都分散到我對陣痛既注意力，有效減到痛，所以大家有需要都可以要求醫院提供！ 今胎零度去一度渡過左超舒適兩個鐘，除咗以上減痛方法舒緩，仲有肚餓感一直影響我陣痛既感覺添！之後護士檢查發現我未穿膜，所以要搵醫生人手穿水，穿完度數會開得更快。人手穿水比宮頸檢查更唔舒服，不過都係個句「放鬆先幫到自己！」，穿完陣痛開始加劇，一直去到夜晚八點我眼見開得兩度，而且愈來愈痛，我擔心自己未必可以繼續，所以我即刻要求打無痛。 今次醫院安排好快，我八點半已經落產房打埋無痛針，雖然要等半小時先有效，不過比起我第一胎等床位加麻醉師等咗兩個鐘已經快好多！ 藥效由夜晚九點開始，陣痛由九分減到四分，比起第一胎打完接近完全唔痛既分別都好大，所以我要靠深呼吸去減痛，助產士同我講第二胎痛楚更劇烈，所以減咗痛依然會明顯感受到陣痛。打完無痛後我就訓吓醒吓，到零晨1點我已經開到九度，準備停藥正式Push，之後兩點就生咗喬喬！ 總結，興幸我第二胎無第一胎咁辛苦，用既時間無咁長，第一胎由穿水陣痛到生用咗二十八個鐘，今胎催生起計用咗十五個鐘，體力上舒服好多。加上今次生B前簡單心態調整，個人都輕鬆咗！ 我知好多朋友會話打無痛對身體唔好，但係好似我第一胎勉強忍痛去堅持，有機會令辛苦延長加劇，亦有機會增加BB出世後受感染既機會。我第一胎陣痛開始去到四度用咗超過20個鐘.. 如果唔係打咗無痛，我諗我仲有牌痛：助產士講過陣痛愈頻繁愈痛，產婦身心會愈緊張，亦有機會令子宮開度數開得更慢。 另外，當時我老公明確問過姑娘穿水超過24小時仲未生有無問題，當時得到答案係「無問題！」，不過生到出嚟皓皓的確感染指數偏高發咗燒，之後需要食抗生素。所以適時可以考慮係咪要打無痛，令自己可以盡快舒服渡過開度數依個難關，都係對自己同BB既一個重要決定！ 今次威院二胎分娩安排好唔錯，我諗除咗開刀層面，其餘都好快幫手安排，感覺比三年前更好添，下回分享我係威院產後房既經歷！！ 我第一胎上奶母乳經歷分享： 筋肉寶寶養育記(1M) - 我的慢版人奶心路歷程 筋肉寶寶養育記(2M) - 餵人奶必備用品List 筋肉寶寶養育記 (3M) - 人奶媽媽生病了 我第一胎威院分娩記：威院分娩記(下篇) 之 二次入院之28小時生仔過程 想睇第一胎懷孕歷程都可以入以上連結睇睇！ 二胎懷孕日記分享： 【媽咪二次懷孕5W】兩胎有什麼分別？ 【媽咪二次懷孕5W】26個月的母乳媽咪之路完工啦！！ 【媽咪二次懷孕6W】終於照第一次超聲波啦！ 【媽咪二次懷孕6W】久違！超可怕的孕吐終於來到了！！ 【媽咪二次懷孕8W】 與你私心分享我的孕期皮膚保養品！ 【媽咪二次懷孕8W】有勇氣再一次經歷.. 懷孕至分娩的過程 【媽咪二次懷孕12W】超詳細版！公立醫院孕婦特別付費檢查一覽 【媽咪二次懷孕13W】第一次及第二次健康院產檢及到公立醫院做 【媽咪二次懷孕20W】踏入妊娠糖尿臨界點指數，緊急計劃開始！ 【媽咪二次懷孕20W】與你分享不同懷孕時期需要什麼營養！ 【媽咪二次懷孕21W】中期結構超聲波！話你知有咩要注意啦！ 【媽咪二次懷孕27W】大肚都要有機護膚嫁 X 分享超詳細14日體驗！ 【媽咪二次懷孕30W】懷孕迷思，兩胎最好隔幾遠？ 【媽咪二次懷孕30W】 陀男陀女大不同？！ 【媽咪二次懷孕31W】努力做運動，準備打大佬！ 【媽咪二次懷孕32W】懷孕血壓低岩飲！女人恩物！桑寄生雞蛋茶 【媽咪二次懷孕33W】超級懶人版威院走佬袋list！ 【媽咪二次懷孕32W】又嚟清胎毒啦！附健康清胎毒糖水食譜參考 【媽咪二次懷孕33W】照結構後發現胎兒腎盂漲大點算好？ 【媽咪二次懷孕35W】無得上孕婦減痛班，上網自學減痛法得唔得 【媽咪二次懷孕36W】生仔除咗走佬袋，仲有咩要準備？？ 【喬喬妹妹養育記0M】疑似高位穿水！Day1威院生仔記 每週小煮意食譜分享、一貓二B日常點滴、親子好去處、大家記得要follow呀！ IG：kylife.babies Fanpage：Kylife與二寶之日常 Email：Kylife114@gmail.com
