我同小JM都係「愛吃一族」，除咗正餐之外我地亦好喜歡食甜品。 趁住停課，又唔駛Zoom上堂之制，我地又係時候為自己嘅下午茶打算一下。   雖然說好產後要修身，但下午茶係不可缺少。 剛好前幾日去超市買咗幾款乳酪（原味同芒果味），所以就同小JM一齊整乳酪蛋糕！ 乳酪蛋糕質感同芝士蛋糕差不多，但乳酪蛋糕食落會較為清新一啲，而且無芝士蛋糕咁漏。 出爐一刻我同小JM都忍唔住想食，結果小JM食咗4份1，而我就食咗一半...     材料： 低筋麵粉 40g 粟粉　 30g 乳酪 2杯 糖 25g 雞蛋 4隻 牛油 50g   做法： 1.)　牛油用熱水座溶，加入蛋黃及乳酪，攪勻   2.)　將低筋麵粉及粟粉過篩，加入已攪拌好嘅蛋黃乳酪漿內，攪勻備用   3.)　蛋白加糖打起微微企身   4.)　將已打好嘅3份1蛋白加入麵糊，以切拌式攪勻   5.)　將已攪勻嘅麵糊倒入蛋白，以切拌式慢慢攪勻即成   6.)　倒入蛋糕模，「鄧」出空氣，以溫水座底，再放入爐，以150度焗45至60mins 　　插入竹簽以檢查蛋糕是否成形，如無麵糊黏著竹簽即成功。