雙胞胎兄弟23W+5 威爾斯設有多胎部門 產檢嘅頻密程度同檢查項目都比上一胎多好多 由於我陀緊嘅係同卵雙胞胎中嘅單絨毛膜雙羊膜類（MCDA) 係發生雙胎輸血症嘅高危種類 所以威爾斯同私家兩邊都要較嚴謹嘅檢查 同卵雙胞胎懷孕中，有 15%容易發生因為胎盤太靠近而造成血管的血流互相流通，引致雙胞胎兒輸血症(Twin to Twin Transfusion Syndrome, TTTS) 簡單黎講就係兩個胎共用胎盤，當中有血管相通， 引致血液由其中一個胎流向另一個胎， 使供血一方體型較少，受血一方體型較大 伴隨住會有影響心臟同腦部問題 所以私家同政府醫院兩邊都會嚴密檢查 確保及早發現可以進行適當治療 私家方面，由7W起就兩星期檢查一次 上一胎因為胎盤供血量不足引致大女係28W起都偏細， 到32W起更加無長大過，確定係生長遲緩 所以今胎私家醫生就開阿士匹靈俾我，要由7W起一直食到生為止 作用係薄血，以防止胎盤供血不足發生 至於威爾斯方面，由於多胎嘅關係，唔需要返健康院檢查 而係每兩星期返醫院檢查 產前檢查比單胎詳細，單係結構就照左兩次 一次係普通專科門診照，另一次係由X光部門負責 詳細檢查確定暫時無發生雙胎輸血症 經過私家同政府輪流檢查後 暫時可以放心感受一下兩隻越黎越強烈嘅胎動