薏米水有清熱袪濕...消水腫功效... 女士們同時深信可以美白同減肥... 其實...薏米同樣有健脾開胃之效...   小朋友飲唔落奶...老人家就會教你用薏米水開奶可以幫助小朋友開胃消化... 不過...小朋友腸胃始終未成熟... 我就覺得一動不如一靜啦... 星雨第一啖薏米水係1歲入口架...   薏米有生同熟之分... 生薏米清熱去濕...熟薏米就去了寒涼...有健脾作用... 一齊煲就可以平衡... 藥材舖買10蚊生熟薏米... 洗乾淨再用水浸1個鐘...   2升水滾就落生熟薏同2粒蜜棗...煲40分鐘   最後...加入適量冰糖調味就飲得... 隨自己個人喜愛唔落冰糖落蜜糖一樣得... 不過...切記... 幼兒一歲前係唔可以食用蜜糖... 幼兒一歲前係唔可以食用蜜糖... 幼兒一歲前係唔可以食用蜜糖... 重要的事講3次... 冷飲熱飲同樣好味... 煲過既薏米煙煙韌韌...可以食埋架...   FACEBOOK 專頁 : https://www.facebook.com/mrmoon.renelee INS 聯絡我 ~ bbg1668@yahoo.com.hk   免責聲明 ~  產品及有關資料由該品牌提供 本文發表的每一字一語內容全屬個人意見同感受... 不代表品牌的言論同立場... 如需獲得更多資訊同協助...煩請直接聯絡品牌查詢或尋求相關專業意見... 如從而引起的任何損失或法律糾紛...本人概不負責...