見到lihkg高登嗰度話UCHE嘅課程係呃人，我想平反一下。我喺UCHE讀酒店管理高級文憑，已經完成咗而家讀緊塔斯馬尼亞大學嘅學士學位，之前仲諗緊究竟係香港讀定係飛去澳洲果度讀，到最後我都係選擇咗飛去澳洲讀，同屋企人商量完之後覺得澳洲讀完可能有機會喺嗰邊做嘢或者居留，係一次難得嘅機會，於是我就過咗去澳洲塔斯馬尼亞大學讀啦。 我實習嘅時候都係去啲五星酒度做實習，當然呢個實習一定唔係輕鬆，但係都學到好多工作上嘅知識，而且我覺得課堂實用，真係幫到我哋喺社會上做事。我覺得UCHE嘅課程其實都唔錯，當然佢哋都會有唔好嘅嘢好似院校比較細同埋都有好多功課，但係就唔係好似lihkg高登所講又話又呃人，又中伏，課程冇認可性咁over囉。 我自己DSE炒咗科中文，之前諗住讀毅進、基礎文憑定係UCHE嘅高級文憑課程，最尾都揀咗喺UCHE度讀，因為自己英文都有三，只係中文炒咗，唔想用多一年時間讀毅進同基礎文憑，自己本身對外國課程有興趣嘅，覺得UCHE啱自己讀。其實我覺得最緊要揀一個啱自己讀嘅課程，雖然大學課程都難，都幾辛苦，不過我都會努力讀埋佢，等我完成咗大學學位再同大家分享吓啦。