//死亡是一個點，生命卻是一條線。 遺體捐贈者到達終點線上，在句號後再次落筆。 他們選擇在離世後成為「 #無言老師」， 在解剖桌上施教施恩，把生命的意義延續下去， 並引領我們從身體的不完全，看到生命的完全。// 《無言老師—遺體捐贈者給我們的生死教育課》*—— 陳新安教授、伍桂麟   我終於登記了無言老師遺體捐贈計劃，之前遲遲未決定登記，係有啲驚（開頭覺得死咗仲要畀人劏開真係有啲驚)，同埋未了解清楚細節，例如關於捐贈器官、喪禮、無言老師用途、歴時多久、火化和骨灰如何處理等等。   原來呢⋯⋯ ❤︎ 可以照樣捐出器官的「先捐器官助人，救活一個家庭。後捐遺體教學，承傳一份祝福。」 ❤︎ 喪禮可以照辦的 ❤︎ 可以選擇將骨灰撒喺紀念花園 ❤︎ 「無言老師」三個用途:(1) 醫學生解剖課(需 2-3 年オ火化)， (2) 醫學研究、救護及手術練習(需 12 個月內オ火化)，(3) 人體標本教學 (需 2-3 年オ火化) ❤︎ 就算登記咗其實仲有好多情況最終未必能夠捐贈㗎   我決定登記無言老師計劃係因為... 經歷身邊至親嘅生老病死後，我想如果醫學再昌明一啲，結果會否改變？不如盡我嘅綿力讓本地嘅醫科生有多一點學習資源，培育出更優秀嘅醫生，令病者受惠。   以前無言老師多數係流浪者或無人認領遺體嘅先人，冇乜人會主動捐也沒有途徑去捐吧，中大喺2011年開始「無言老師遺體捐贈計劃」去推動呢件咁有意思嘅事 ，如果大家有興趣可以去以下中大網頁了解多啲。 https://www.sbs.cuhk.edu.hk/bd/   感謝你睇曬我個post♡   #生死教育 #bodydonation #cuhk #cumedic  ———   冬甩冬薑媽媽—全職奴婢，照顧一家七口兩大兩小三隻貓，昔日無飯太太現自居合格廚娘。兩位寶貝女分別係：冬甩姐——四個月大時由全泵轉全埋身的樂天馬騮，冬薑妹——以逾4公斤重磅登場的感性吃貨紅髮胖胖豬妹子   想知更多冬甩冬薑的日常趣事，歡迎 follow 【小貓奴冬甩冬薑】 Facebook 和 Instagram 喔！ www.instagram.com/gingerdonutandcats | www.facebook.com/gingerdonutandcats