見疫情稍為緩和，無得搭飛機去旅行。 所以，我哋選擇了香港嘅酒店住宿旅行~ 今次係我哋第一次入住位於尖沙咀嘅港威酒店，而家有一個叫「營樂無窮」嘅親子住宿計劃，適合一家大細入住。 假日入住關係，酒店大堂人流比較多，Check in輪候時間亦會比較長。 我哋入住嘅樓層為酒店中層，房間為高級套房~ 「營樂無窮」基本住宿優惠客房價錢大概$950，因為無得飛出香港。 所以我今次豪一次，基本房價$950，套房要額外加$1,300及加一服務費。 不過，真心正!! 廳同房分開，小朋友瞓咗我同老公就有私人時間同空間啦~ 睡房仲望到海景睇到日落~ (不過當日咁啱多雲...睇唔到咸蛋黃) ^ 客廳超大!! ^ 空間感好大，小朋友都住得好舒服 ^ 睡房 我哋住嘅係高級套房，所以分咗客廳。 有條小走廊通往浴室及睡房，夜晚大人未瞓可以掩房門~就唔怕嘈醒小朋友~~ ^ 小走廊亦同時設置咗水吧 ^ 於訂房時，可要求嬰兒床~ 浴室方面，再細分成梳妝、衣櫃間空間超大! ^ 基本個人衛生用品 浴室方面，亦設有浴缸及淋浴間。 ^ 沐浴用品 小朋友超開心，因為有浴缸可以浸浴。 而我鍾意嘅係，空間好大，廳同睡房都有電視~ 睡房入面仲有特色兒童帳幕，和牛B一入房見到兒童帳幕已經超級興奮!! 仲話想喺帳幕入面瞓覺添呀~~ 其實個帳幕仲係一個唔錯嘅打卡位~可以影返好多靚寫真。 至於入住嘅小朋友，仲可獲贈Piccolo兒童俱樂部迎賓禮物~~ 每次入住可獲贈美國冒險樂園遊戲代幣100枚 小朋友仲可以喺客房入面玩小型尋寶遊戲，玩完仲有驚喜小禮物~~ ^ 和牛B同兌爸一齊了解點樣玩尋寶遊戲~ 呢個遊戲好得意呀~有唔同嘅小提示，然後去搵大概3-4個提示就拉到寶物嘅位置~ 袋寶物，就係送俾小朋友嘅驚喜禮物嚟。 ^ 成功尋到寶，當然係超開心啦! ^ 急不及待，馬上打開寶物 ^ 都係小朋友最愛嘅零食呀~ 每次入住，仲可以喺客房入面享用美味雪糕新地 (最多2位成人及2位小朋友) 窩心位/ 設備 房間入面，親子酒店房必備嘅大人、兒童拖鞋。 細心位在於，拖鞋底部都有防滑底。 房間入面，仲有窩心位。 如果唔記得帶三腳插充電器，用USB插一樣可以為手機充電。 ^ 兒童牙適及沐浴用品。 留港住酒店，換過套衫，感覺都好似去咗旅行一樣~ ^ 幻想下自己去咗日本旅行~ 住宿計劃入面，並無包含餐飲。 所以，你可以叫Room Service又或者自己買外賣都可以。 ^ 旅行感~就係趁小朋友瞓，馬上享受下二人世界。 「營樂無窮」住宿計劃推廣期做到今年12月31日，大家有興趣都可以去預約哦~ 當日晚上，我哋去咗Three On Canton到食自助晚餐。 呢間餐廳真係好好食，記得早幾年我哋都有嚟呢到慶祝結婚週年。 而最近餐廳正推廣「海鲜盛宴自助晚餐」，每晚約7時將有即切原條魚生，每條重約5-6公斤，份量十足。呢個主題由即日起至2020年11月30日止。 廚師即場表演即切原條魚生，如果鍾意食刺身嘅真係唔好錯過!! ^ 即場表演 ^ 即開生蠔 ^ 沙律吧 ^ 刺身 ( 吞拿魚、三文魚、八爪魚、蝦) ^ 必食冷盤!! 龍蝦仔、龍蝦鉗、藍青口 ^ 泰式口味 甜品區!! 超多甜品選擇!! ^ 豆腐花都有!! 行晒全場，我哋就開始拎食物。 所有食客如果離開座位，就必需要配戴口罩。 所以，我哋都好放心! ^ 和牛B揀咗佢最鍾意食嘅片皮鴨同埋粟米~ ^ 仲叫廚師叔叔即場整個湯麵 ^ 鵝肝多士、羊架同埋肉眼 ^ 冷盤龍蝦、蟹腳全部都好新鮮，好好味!! ^ 片皮鴨都好好食!! ^ 妹妹話冇得食，唯有食住手指公先~ 【港威酒店「營樂無窮」住宿計劃】 地址: 九龍尖沙咀海港城廣東道13號 電話: 2113-0888 電郵: gateway@marcopolohotels.com 立即預訂: http://bit.ly/MPGTWCampingFun 優惠期至2020年12月31日 【Three On Canton】 地址: 尖沙咀廣東道13號海港城港威酒店3樓 電話: 21137828 **於Openrice訂台，仲有8折優惠!! -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
