秋天到啦，趁住好天氣，今日我哋又去咗戶外遊玩~     我哋今次去咗玩水上單車，玩水上單車嘅空間好大，因為唔係人工湖、池塘，而係大海呀‼️      水上單車仲有好可愛嘅卡通公仔，LINE FRIENDS嘅Cony、 鴨仔同埋天鵝!!       呢到就真位於大埔嘅大美督 (大尾督) 呀~   水上單車仲有分二人同四人，適合情侶或家庭遊玩。    價錢由$90-$180/小時左右。      呢到有兩間士多出租，所以價錢都有唔同。   ^ 鴨仔水上單車價錢    另外仲有LINE FRIENDS嘅Cony、 天鵝，和牛b比較想坐天鵝水上單車，所以我哋就揀咗呢間。    ^ 價錢   而每位水上單車嘅乘客，都有免費救生衣提供。   ^ 救生衣有唔同尺寸，有小童有成人碼。   著好救生衣，就可以馬上登上水上單車啦~~     當日真係超好天，大大個太陽!! 同埋水上單車係玩一小時…真心攰呀!!     除咗水上單車，仲有其他水上活動嘅用具出租。     而兩間士多仲有小食、麵食出售。        出發前/玩完之後，都可以坐低食啲嘢先。          附近仲有洗手間及公眾燒烤場，不過由於疫情關係，公眾燒烤場暫時無開放。    其實嚟到呢到，仲可以踩埋單車、去燒烤場BBQ咁就愉快過一日了~~     <前往方法>  大埔大美督近公眾燒烤場    公共交通工具: 大埔墟鐵路站乘巴士75K/ 275R(只在星期日及公眾假期行駛) 或20C號綠色專線小巴，到大美督巴士總站下車。    駕車人士: 露天公眾停車場 (錶位)     -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami