體重低唔等於體脂低，呢個時代大家對健康嘅標準都越來越高，體脂計算、內臟脂肪等級、推定骨量、體水分率、肌肉量判定指數及肌肉質量指數，以科學化數據幫助更快達成健康瘦身嘅目的。有follow我嘅朋友應該都知我之前有一寶時體重上到170磅，所以產後修身我好畀心機去鍛鍊返。 修身鍛鍊過程中我就試用咗TANITA嘅體組成磅幫自己監察身體變化。 TANITA同健身室用嘅INBODY係截然不同嘅兩個品牌，逾70年歷史日本品牌嘅TANITA係日本有名專門做健康測量儀器嘅公司（龍頭大佬），準確度媲美專業醫療器材的BIA測量技術。我手上呢部TANITA智能部位體組成磅RD-545除咗集26合1多方位全身及四肢部位身體組成分析、體脂計算之外，仲設有「獨有肌肉質量分析」，要知道肌肉優質與否會直接影響肌力同爆發力，呢點同運動表現息息相關架！ RD-545智能部位體組成磅由日本原廠製造，品質信心保證，而且可以連接手機程式 TANITA HealthPlanet使用之外，儲存及跟蹤十年以上的身體數據。手機程式更有內置圖表功能簡單表示體脂計算、肌肉量等身體數據，即使係上班族、全職媽媽都能夠輕鬆管理數據變化走勢！ 日本出品嘅產品真係零舍細心，細明指示為RD-545體組成磅設定成「香港區域」，令測量數據更加貼合當地數據庫、所測嘅身體脂肪、肌肉量計算結果更準確。 第一次上磅：2020年8月6日 除咗磅數，我更加睇重計算出嚟嘅體脂肪率、肌肉量、內臟脂肪等級、基礎代謝率、推定骨量、體水分率、肌肉量判定指數及肌肉質量指數。另一樣好岩女士用嘅就係RD-545體內年齡數據功能，想保養得宜除咗做treatment，身體健唔健康都有好大影響架！ 測量結果我都幾滿意，「肌肉質量指數」都幾高分啵，唯獨係TANITA RD-545幫我診斷出左右手肌肉量唔平衡嘅情況都幾嚴重，可能係因為我長期用右手抱呀仔。身體肌肉量唔平衡唔單止影響視覺上嘅觀感，亦係好多都市人身體有痛症嘅原因，所以我幾鍾意佢呢個功能，用圖表令用家更易明白、繼而針對性地去做運動改善問題，適合產後想修身既媽媽使用。 而下肢肌肉量測出係比較發達亦都好合理，懷孕期間下肢需要支撐起我本人以及BB嘅重量，如果下肢唔夠肌肉量、肌力弱就會陀得好辛苦，行步路都十分吃力；至於「軀幹部位」所指即係核心肌群CORE，的確我早幾年前比賽時擁有嘅6粒腹肌已經同我SAY BYEBYE咗好耐，真係要搞搞佢。 第二次上磅：2020年9月1日 因為COVID-19，過去兩星期我在家工作，結果...... WHAT?? 體重升咗咁多！ 唔單止體重，體脂肪率升、內臟脂肪等級升、肌肉量跌、肌肉質量指數跌。 呢個測量結果我真係唔太接受到，心諗：會唔會係個磅壞呢？於是，我又用gym room嘅專業儀器一次…… 結果都係顯示我大部分體組成指數變差咗，即係我接下來要加倍嚴格管理身體，咁先可以追返之前嘅體重、體脂計算水平。另外，睇住自己肌肉量同肌肉質量指數由83跌到77，真係唔可以再俾藉口自己偷懶唔鍛鍊。 自己之後留意返RD-545體組成磅測量嘅體重、體脂計算、BMI、內臟脂肪等級、肌肉量、基礎代謝率、肌肉質量指數方面，都同健身室用到嘅專業儀器數據好貼近，一部家用體組成磅可以拍得住數萬元嘅商用機，真係好超卓！ 消脂增脂STRAT！ 相信好多人同我一樣疫情期間在家工作後肥咗好多，適逢健身室可以重開緊係即刻落去做運動先啦，亦同大家分享下身體唔同位置嘅訓練心得。 首先係上半身 好多人都有寒背問題，主要係因為背肌弱，所以只要增強背肌就可以改善到。 一整個背既肌肉好~大~塊，需要透過唔同動作去刺激唔同肌肉。今次介紹呢兩種：拉背、夾背 挺直個背坐同行路，成個人當堂醒神晒！而女士亦都建議訓練胸肌 (細細聲講：可以加深事業線架) 另外當然唔少得推膊嘅訓練啦！ 肩膀形狀靚，著衫同著泳衣都會好睇好多架。先將啞鈴放大腿上，再放到膊頭水平位置做好準備姿勢，然後就向上推！記得要保持雙臂穩定呀。 至於我強壯嘅下肢，主要係做深蹲以及行樓梯機去練。 史密夫機可以響你唔夠力時轉掛鈎鈎住條BAR，咁就唔會壓親自己啦，十分好用。而呢部樓梯機係模仿行緊一條真實嘅樓梯，梯級比較深，我鍾意跨兩級咁行，集中刺激四頭肌、後腿同臀部肌肉，感覺超~正！ 除了計算到身體脂肪和肌肉量外，RD-545測出我「軀幹部位」比較弱，以下呢幾個動作練腹肌效果好好之餘又唔會整粗條腰。 最後，自己由用RD-545體組成磅開始到依家都差唔多一個月，過程中好俾心機咁做運動訓練、監測住身體數值變化，企上磅出嚟數字亦都愈來愈好（雖過中間在家工作時一度鬆懈咗）。另外都提醒一下各位想產後修身嘅媽媽，成個過程唔急得，最緊要按步就班咁針對改善地方進行鍛鍊，咁樣修身日後先唔會有反彈，我地一齊加油啦！ 了解更多TANITA全方位體組成磅RD-545：https://www.tanita.asia/shopping 多謝收睇到呢道呀！ 歡迎聯絡作合作/試用/邀稿：chuiyiho@gmail.com／FB: Chuiyiho.chuiyi／ FB Page: www.facebook.com/Chuiyi80sMama ／IG: Chuiyiho
