由知道自己有左，第一次去產檢到而家，醫生都同我講我既預產期係出年一月尾。 上一次去產檢時，醫生同我講因為我飲糖水，血糖高左啲，所以如果足月既話，少少會係一月中出世又或者佢地會選擇催生。我聽到後，嚇左一跳。因為本身諗住仲有3個月度，而家好似突然縮短左時間。醫生仲話如果少少早過37週出世，就係早產，我當然唔希望少少搶閘啦。 我仲問左醫生好多問題啦。例如：「穿左羊水係唔係代表就生得？」「幾時要執走佬袋？」「咁穿左羊水，要點做？」醫生淨係答左我一句：「唔洗擔心，緊張又或者太憂慮，好多野都計劃唔到，到時你就知架啦！」醫生真係醫生，幾輕鬆。 話說尋日係屋企人既gathering中，先知道原來我堂弟係「7星仔」，7個月度就出左世。我問點解？舅母話佢係飲糖水個陣，超到150幾，所以就要即刻開刀拎bb出黎，嚇到我呢。 我諗我差唔多係時候要執定走佬袋啦，不過好似仲有好多野未買，等老公放假，先再去買啦，希望少少唔好搶閘啦。