【  滿足大人小朋友。超多打卡位的親子農莊 】 **文未有85折優惠碼 今次帶兩兄弟去左個超多野玩，位於流浮山的繽紛世界親子農莊 ，估唔到咁好玩，玩樂設施又多！一入場就見到打卡熱點的心型拱門，好靚呀！   我哋首先去買票入場，有分單入場卷或套票，會有手帶作識別。 - 入場費$30 位，場內的遊戲需要逐項收費。 - 陸上套票$180 （星期六、日及公眾假期），已包入場費 安妮媽媽建議購買陸上套票呀，因為場內的設施可以任玩呢，抵好多架！   唔係講笑，場內真係好多野玩！一個套票價錢就可以任玩滑梯、蹦跳彈床、充氣彈床、碰碰車、挖掘機、三輪車、扭扭車、草地滾筒、碰碰球、韆鞦、氹氹轉、氹氹轉單車、親子船、跳飛機等。。。   *挖掘機 Aidan一見到佢最愛的挖掘機就即刻心心眼衝左過去喇！一款是挖沙，另一款則是挖波波，可以俾佢體驗到點樣去操控挖掘，見佢玩得都似模似樣，哈哈。由於我哋係買套票的關係，所以佢前後總共玩了6次，好抵！   *電動碰碰車 Aidan最喜歡的一個遊戲，有速度感的電動碰碰車，佢玩得好開心呀。 仲記得上一次玩的時候仲需要爸爸坐係後面幫手，今次見佢可以控制得咁好，又覺得佢長大了。     *充氣彈床 + 蹦跳彈床 場內有個大型的充氣彈牀，有一些障礙物及滑梯，放電一流。(唔知點解無左充氣彈床的相，嗚嗚嗚....)   *親子船 好特別的手動船，Aidan自己唔夠力控制隻船仔，所以最後要爸爸一齊先玩到，佢就變左遊船河，哈哈~~~   *草地滾輪 + 踫踫球 一大塊草地上可以選擇玩草地滾輪或踫踫球。   *三輪車 + 扭扭車 車子比較細，適合較年幼的小朋友玩。 農莊內仲可以親近小動物餵羊咩咩，Aidan一見到小動物就勁開心，農莊有提供新鮮植物給小朋友餵飼，每扎 $10。   另外，最滿足到媽咪的就係呢度有好多好靚的打卡位，我同兩個仔仔都影左好多相呀，好開心！   場內有個免費風箏區可以自備或購買風箏在場內玩，但我哋今次無時間玩。 農莊地方好大，但玩遊戲排隊時就比較多人，要自己注意社交距離。同埋農莊9成為户外地方，務必要做足防囇防蚊的準備呀，仲有場內暫時未能提供熟食供應，所以一定要帶備足夠的食物和乾糧，飲品唔夠就可以入去BBQ場內購買。 而家樂園推出BBQ任食5小時驚喜價，有得玩又有得食都幾吸引呀！ 今次真係玩得好盡興，雖然地點有d偏遠，要搭好耐車先到，但我同爸爸都覺得幾值得黎玩，設施夠多元化，可以玩足一個下午。   安妮媽媽溫馨提示： 如果有小Baby建議要帶BB車同行，因為農莊內沒有育嬰室，有BB車就方便換到尿片。   交通: 我地搭西鐵到天水圍站，係B出口行落巴士站，轉乘 K65 巴士，係流浮山總站落車(八達通-西鐵乘客 免費轉乘) 落車後係流浮山大街牌坊步行數分鐘就可以到達，沿路都有小型指示牌，見到圖中這個位置就可以行入去，但如果有揸車就要再開前多50米，就會見到停車場。   ======================== **85折優惠碼  如果大家想要入場票 / 陸上套票的85折優惠碼，歡迎到 安妮媽媽親子日記 Facebook專頁參加。 ==== ==================== 繽紛世界親子農莊 地址：新界元朗流浮山深灣路 (深灣畔旁) 電話：5402 9197 樂園收費: 入場費$30 位（購買套票免入場費） 陸上套票$180 （星期六、日及公眾假期） BBQ收費: 成人$180 / BBQ+陸上套票$220 小童: $90 / BBQ+陸上套票$200 攤位遊戲：$25次 停車場：免費 注意: 農莊現暫時只在星期六、日及公眾假期才開放給公眾入場。 ———————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com