今日雞丁暟帶大家長征Camping熱點 - ❤塔門❤ 原定11點入到西貢，不過周六有少少塞車11點半先去到巴士總站，出發前食個豐富既lunch  剛巧碼頭旁邊有D打鼓樂器比小朋友玩下~雞丁暟手舞足蹈成個BAND友咁樣XD~~        之後1點25分由西貢巴士總站乘94號到黃石碼頭總站落車(大約35分鐘)，落巴士剛好有一班船準備開出，好彩趕得切!  再搭25分鐘船就到❤塔門❤了!!!!  **最好預先CHECK定船的班次 應該每小時整點有一班** 雞丁暟被海風吹到眼都開唔到 但表示好享受        落船後在分差口向右邊行，然後一直往前走，沿途見到有小店，好快就在右邊見到一個小石灘。 當然雞丁暟忍唔住要衝落去玩下水..擲下石仔  大人都可以片石               之後沿海邊慢行，就開始見到好多牛bubu**大量地雷出沒**,-;  咁岩仲見到有牛牛經過 :) 好快就去到海邊….沿途超多海景打卡位    繼續向上行，開始見到好多五顏六色的帳篷真係名符其實的camping熱點唔早D黎真係霸唔到靚位! 等暟B再大D就試下黎呢度camping先               終於上到大草地!!!!! 可以係個亭休息下，靚景打卡    可以放風箏，野餐，成個山頭D帳篷多到你無位落腳 仲見到隻小牛牛搵草食，另一隻訓到不醒人士 我地當然唔會放過打卡既機會        之後在涼亭可以選擇繼續向上行，不過雞丁暟行左差唔多2個鐘累了(大約4點左右)，所以決定回程~ 係亭左手邊有條路落返碼頭 (大約15分鐘)~  見5點先有船，係山下嘆左碗豆腐花先走，不過有D中伏既感覺 回到碼頭大約5點半，剛好有96R開出直往鑽石山MTR，但出到西貢和彩虹有點塞車，全程乘了差唔多1.5小時... 後感: 暟爸: 如果想避開塞車情況，下次要提早出發及回程! 暟媽: ❤塔門❤真係好靚好值得去行下 暟B都行到絕對易行!!! 不過車程就真係比較長.... FBPage:   山系小達人﹝雞丁暟遊天下﹞