今次假日的 #drivecation 決定向 #農莊 出發，由新界東駕車直奔大埔，車程需時大概30分鐘左右，農莊有私人parking,日泊朝10晚6只需$60 泊好車只需行5分鐘左右就到票務處買門票入場同埋登記泊車，成人每位$200，小朋友3-12歲只需$150，小公主得2歲就免費喇 （套票詳情可參考圖片） 呢個農莊一改我哋對農莊嘅睇法，環境設施乾淨之餘，佢仲有齊： 1.放電一流: 遊樂設施 彩虹滑梯、繩網、氹氹轉、吊橋、bounce castle 、彈床等等，顧及唔同年齡層嘅小朋友； 2. 打卡熱點: #天空之鏡 會有職員教你點影 , 有需要會幫你揸機添 3. 親親動物 農莊賣點之一嘅 #羊駝，我都係第一次見同咁近距離接觸，園內仲有兔仔、羊仔、孔雀都有 可能呢幾隻羊駝見慣人，你餵佢食草反而無咩反應，不過我發現只要你不斷同佢講1，2，3 佢哋會好一致咁望向鏡頭，不妨一試 4.手工藝製作 小朋友門票有一套沙畫套裝同陶瓷DIY set，可以俾小朋友現場整或者拎返屋企慢慢創作；大人門票會有一個布袋可以俾你吸唔同嘅印章design 同埋響現場整皮革匙扣刻字 呢個農莊最好嘅係玩到攰有嘢食， 而唔係只得零食，價錢好親民，仲有各式signature 嘅蝶豆花飲品可以一嚐 不得不提係佢門票包咗嘅湖上腳踏船，自從響法國南部好「浪漫」地踩過一次之後都無再玩過，估唔到第二次係同大小公主一齊踩 同佢哋不斷響湖中心玩衝噴泉   其實唔洗離開香港旅行，原來香港都有好多隱世好玩嘅地方等緊我哋去發掘 ！ 下次再出發  地點：新界大埔鳳園路8號蝶豆花園 #MRsisterhood #makimoment #makievelynli #mimimomoma #runasofiali #玥柔每一天  #hkmami #香港媽媽 #hkparents #親子日常 #親子好去處 #育兒日記 #快樂童年 #wearehkkid #親子活動 #本地遊