而家電視中午係度重播「BB來了」，我每日起身都係度睇，但原來同一套劇，係唔同既時間睇，有唔同既感覺。。 我記得第一次係電視播既時候，覺得題材特別，又貼題，所以會令人好想追落去。 但到左而家電視重播，咁岩自己又係懷孕既過程中，有好多身同感受。 例如當知道自己懷孕既時候，個種開心，但又無助既感覺，會擔心經濟既問題，擔心自己照顧唔好BB，擔心事業上既問題，怕一俾公司知道自己懷孕，就會有不平等既對待。 好似劇中既女主角所講「一個女人懷孕，就係All in，身材，樣貌，事業，通通All in」 佢講得岩，我地真係All in左所有既野，去換取一個新生命既來臨。 我從來都唔怕身材又或者樣貌走樣，因為我知道BB會係我既所有，而我同老公都好鐘意小朋友。如果經濟許可，我地想生兩個。如果你問我：「你唔怕你生完之後，走哂樣，你老公唔要你咩？」我會答你：「我唔怕！如果係因為我為左佢生小朋友，走哂樣，佢先唔要我，咁哩啲男人要唔要都罷！我唔係為男人而活，我係為自己而活！」 我唔知少少出左世後，我會唔會變到好似劇中既女主角咁，控制慾強，咩都怕，驚養唔大，驚照顧唔好。但少少，無論點都好，媽媽同爸爸都會用我地所有既愛去愛你，照顧你，令你開開心心咁長大。