踏入11月大家都已經開始緊K1面試.... 我地第一間面試係黃大仙區既路德會救恩幼稚園... 我同魚爸都希望揀happy school ... 可以比小朋友開心咁樣學習唔需要過分催谷：） 10月底就係第一間幼稚園面試.... 面試時間係早上9:30 (平時9:30先起身） 所以我哋前一晚好早已經安排小朋友瞓覺.. 小朋友唔夠精神好容易會發脾氣???? 幸好第二朝起身嘅時候都好順利 ：）   我哋屋企距離黃大仙都好近... 所以提早到達俾小朋友喺附近熟習環境... 因為疫情關係只可以一個家長陪同小朋友入去面試... 今次就由媽媽陪Hey魚入去學校... 做咗簡單登記之後因為時間仲早... 我哋就坐埋左一邊等... 等等下校長問hey魚叫咩名... 好彩hey魚都肯答..仲同校長講兩歲半^_^ 傾左陣就去排隊等入課室見老師... 其實等待先最考驗小朋友耐性... 加上見到有啲滑梯就想沖去玩... 中途我唯有不斷同佢講嘢傾偈！   終於到我哋入去見老師啦 ：） 老師都係簡單問吓佢叫咩名幾多歲... Warmup左就開始叫佢顏色配對..認知.. 數下圖卡上面有幾多個蘋果同分大小... 玩玩具佢仲拎多一份比我（so sweet) 都有問佢條裙咁靚..邊個買架？ 問完小朋友就到家長... 有問我平時邊個湊小朋友... 點解會做全職媽媽.... 點解會揀我地學校.... 走之前老師送左隻蟹比hey魚... 應該都係睇吓小朋友有冇講多謝... 都走嗰陣我想提hey魚泊好櫈@@ 點知佢淨係記得提我攞番手袋.... 老師笑佢好緊張媽媽 xdxd   一出門口我就擁抱下佢...讚佢做得好好 ;) 走咗之後我哋就去咗學校對面個公園仔玩一陣.. 呢間學校其實我同爸爸都幾鍾意... 附近環境亦都比較靜... 校長老師都好有愛心...     總結： 雖然未知道學校有冇Offer俾我哋... 但係hey魚in得好好... 仲好主動同老師講其他話題... 好開心老師都讚佢領悟力好高.... 第一次interview已經好滿意!!! 不論有冇offer 我都好享受同小朋友去面試 ^_^