最近去左一個好唔錯嘅 #遊樂場，戶外有齊跑跑跳跳嘅玩樂設施、室內有得親親 #小動物，最重要仲要係免費入場嘅，夠曬我哋同小朋友 #放電 兩三小時。 可以吸引到小朋友不由自主行過去嘅有趣擺設 戶外 #兒童樂園 部分，一入去有啲高高低低嘅小山丘、#彈床、#敲擊樂器 同埋鼓。沿途仲見到有噴水花花裝置，不過當日無開到。我哋同呀仔彈左一輪，再行入啲竟然有座目測兩層樓高嘅攀爬塔同滑梯，都係近年少見既設施。當然如果想安全啲嘅，場內仲有另外四條滑梯可以 #瀡，當中更有一條係我 #童年 時代玩嘅「滾筒式滑梯」。 可以鍛鍊平衡感嘅小山丘 兩層樓高嘅攀爬塔，我都覺得幾好玩 而家買少見少既「滾筒式滑梯」 不過，最最最吸引我注意嘅係 #鞦韆 設施，記得以前既傳統鞦韆 #安全意識 唔太高，但勝在夠好玩。呢度一樣搵到幾種唔同嘅鞦韆，包括：雙人親子型、座椅型(有安全帶，似Car Seat)同搖籃型，玩曬三種真係樂而忘返。我諗唔止係小朋友，大人見到都覺得好好玩，因為可以「重拾昨天，樂趣一堆」，同童年玩嘅玩樂設施不相伯仲。 玩完室外，原來仲有個室內 #爬蟲館。館內地方其實唔係好大，但入面養咗好多平時少見嘅爬蟲類，例如：手臂禁粗嘅氈蟒同球蟒、大過隻鑊嘅盾臂龜，仲有啲真係一路都未見過嘅蜥蜴同蠑螈，真心值得一睇，令大人細路都 #大開眼界。 總括嚟講，室內同室外同樣好玩，係一個有誠意嘅玩樂設施！可以再去！ 室內嘅 真心少見禁大隻盾臂龜  老實講，室內都好好行   最後，如果想了解多少少呢個地方係邊度同點樣去嘅，不妨去Facebook 度Like此Post並留留言。 #16M #幼兒教育 #放電 #純分享非廣告 #泥圍爸爸 感謝媒體轉載 我愛Mama (https://www.sundaykiss.com/....../%E5%B1%AF%E9%96%80....../) Sunday Kiss 親子童萌 (https://www.facebook.com/ilovemamahk/posts/3582214055155409) 舊文重溫 【創作時光】今世情人同前世情人解決問題的方法（https://bit.ly/PAPAvsBB_1） 【創作時光】喪屍與出牙仔既BB比較（https://bit.ly/Creative_BBvsZombies） 【創作時光】BB手指仔究竟有幾大殺傷力？（https://bit.ly/Creative_BBFingers） —————————————————— Facebook Page：泥圍爸爸的育兒時光（https://www.facebook.com/laiwaipapa/） 歡迎大家Follow Facebook Page，謝！