【 高質打卡靚餐廳 】 結婚週年紀念，老公一早已經揀好餐廳帶我哋去食晚餐，今年多咗弟弟，有BB車就希望間餐廳可以寬落d，唔使阻到其他食客。琴晚一去到真係嘩一聲呀！Chill and Grill 餐廳真係好大好靚呀！一入門口仲俾佢哋個自家種植水耕菜的櫃吸引到。   Chill and Grill 的歐式設計加上極高樓底，令人感覺好舒服，室內仲有個千秋和大月亮，打卡一流，哥哥叫佢做月亮餐廳，好攪笑 帶小朋友去這間餐廳食飯都好方便呀，有木製BB櫈，洗手間都設有換片枱，好細心。   食物方面真係好有質素！點餐後好快就送上自家製的餐前麵包配搭黑醋橄欖油，好香好開胃。   主菜的美國封門柳份量好多，我地點了5成熟，老公同我都覺得好好味，肉質非常鮮嫩，真係會令人食完一塊又一塊，配搭的沙律菜都好啱口味。   哥哥就好喜歡食卡邦尼意粉，自己食左大半碟呀！ 精選漢堡，塊牛肉都好juicy，薯條整得好香脆，係我哋鍾意的粗薯條。 最後點了一份Apply Crumble，配埋雪糕一冷一熱咁食好特別。餐廳仲為我地的紀念日寫上祝福字句，so sweet。 今餐真係食得開心又滿足，下次再同朋友黎食過。   Chill and Grill HK 網址: https://s.openrice.com/QrbS045uA00~unan5Aw 地址: 西環加多近街57號地舖 ————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com