好多人話ftm泵奶係多餘，我都好認同，但真係冇辦法都要咁做。 個仔出世頭一星期全埋身，每日啜接近20個鐘。唔係講笑，除左食飯去廁所，其餘時間佢都係啜緊。 一星期後我入左院，用樽餵奶發現佢食得好快之後就開始左我嘅全泵之路。 人地話坐月唔掂水，需然老公呀媽都有幫手，但我都要狂洗奶樽奶泵。一日泵8次每次搞個幾2個鐘，冬天凍到死一個人半夜起身泵。我一個人湊仔，成日要放低佢喊坐係隔離泵。塞奶發燒試過，泵唔出係到喊更加係家常便飯。有段時間每日泵1公升，有時奶多到隔日幫bb奶奶浴又試過，cut奶後泵唔夠又喊過。 全人奶到13個月，腰痛得好犀利。講下我泵奶姿勢，由於我出奶太唔順，我係要跪坐係到，放2個樽係大髀上面，彎腰，兩隻手一邊擠一邊泵。唔擠係冇奶出嫁。長期彎腰泵奶，彎腰湊bb，再加上缺鈣，我條脊骨同腰都好痛。之後開始加奶粉。 Keep 住泵，奶愈黎愈少，奶粉愈加愈多。去到後黎每日只泵得60ml,4日夾埋餵一餐，實在太少所以只好放棄，完結左15個月嘅全泵之路。 呢15個月嘅母乳路好辛苦，但值得。各位努力緊嘅媽媽加油！！我先休息啦。