好耐無寫blog ... 今次分享既係好慘痛既經歷... 10月底... 經歷左8日既住院旅程... 10月23號下午同朋友食晏... 因為hey魚唔岩食...我就開左包乳酪比佢飲... 飲左幾啖佢就話唔要... 之後就離開餐廳去左行商場.. 直到黃昏番到屋企... 佢開始發燒38.2????️...但各方面都精神.. 我地就比左退燒藥再觀察... 當晚半夜3:00佢肚痛醒左... 屙左一堆綠色既大便... 到第二朝無發燒...我地就如常去面試.. 面試完畢中午番到屋企又再發燒... 今次係食藥都退唔到...屙既次數仲愈來愈多... 起初以為普通腸胃炎... 但到咗夜晚除咗不斷肚屙之外... 仲開始高燒...燒到差不多40度... 我就決定同佢去醫院.... 但係因為咁岩係公眾假期.... 好多私家醫院都冇床位.... 最後搵到荃灣港安有床位我哋就即刻搭的士過去.... 出發之前我執咗一大袋用品... 因為心中有數都會需要入院....   因為新冠疫情嘅關係... 見完醫生決定入院前都需要做新冠病毒測試... 要等報告都喺大堂坐左兩個鐘..   上到兒科病房已經係凌晨5點半... 因為可以陪床..我就同hey魚一齊訓... 到8:00左右...Hey魚每隔30分鐘就屙一次.... 由屙水變左血便...姑娘即刻拎大便去化驗... 等既期間只有不斷肚痛...同埋嘔左一次... 到報告出左兒科醫生黎講解...   快速測試係「沙門氏菌」... 呢隻菌會由未煮熟既食物（蛋，乳酪，芝士，肉類）感染.... 醫生話hey魚比較嚴重... 只係一日之間就變成屙血便，細菌發展得好快... 所以唔可以用口服抗生素.... 會安排係手上面打豆吊抗生素藥..... （生過既媽媽都知打豆其實好痛....） 姑娘帶我地去左治療室之後... 就叫我係門口等一陣，點知一閂埋門無耐.... 就聽到hey魚好慘既喊聲... 短短既十分鐘.... 我聽到佢嗌左好多次媽媽救命：（ 而我係隔住門...個心好似無左一忽咁... 一打開門我見到佢喊到咁，我都好想喊：（     番左入病房之後姑娘就開始吊第一次抗生素... 因為去完治療室..hey魚超抗拒姑娘入黎... 要不斷氹佢先可以成功落到藥... 醫生都話左比我知..應該都需要住幾日... 但估唔到一住就係8日....   待續 ⋯⋯⋯