Bb係咁喊 又飲飽又瞓夠又換晒片，可以做GE野都做齊，都係喊唔停，有無媽媽試過? 個一刻真係好無助呀!!!!自己都喊埋一份咁求佢唔好再喊，做咩都唔收聲，唔知可以點!! BB喊可以係有好多原因 其中好大原因係唔適應環境，明明係子宮裡面住咗咁多個月舒舒服服，突然間出咗世，咁大轉變唔喊就假啦!  試諗下大人轉工去到就公司新環境都要番D時間適應個新位啦 俾番D時間個BB好WOR (突然係到諗,百日哭可能係同試用期咁，三個月就適應) (IN CASE 有人唔知,古傳有D BB係會喊足一百日就停,叫做百日哭) 按摩 豆沙媽媽第一樣會做一定係按摩 喊得多>有肚風>唔舒服>又喊得多 ...無限loop 所以按摩好緊要，urg 咗啖氣，放咗個屁, 痾埋篤屎就舒服晒 其他科學的方法 另外仲有其他科學的方法可以試 用米袋/睡袋包埋膊頭,建立安全感(但唔可以長期包住,會影響手手的生長) 播音樂 (識人會陀住到生咗都loop同一首歌) 媽媽唱 (豆沙媽佞媽有又係陀住到生咗都唱同一首歌，有時唱兩次就會唔喊) 播white noise (上youtube search) / 風筒聲 (模擬子宮的聲音) 綁佢落high chair 瞓住搖下 袋鼠抱抱 飲食方面 大啲到加固時就可以試 飲粥水 米水開奶 保嬰丹(要留意幾多歲可以飲) 開奶茶(要留意有無糖) 中醫角度BB飲得多奶粉/媽媽燥奶就會燥，燥就會好扭，以上全部都比較清熱解燥 非科學方法 上面講咗科學方法，就緊係有非科學方法 玉石 如果信風水可以俾bb帶玉鈪 或者放玉係BB床頭 玉可以用廚房拎GE水浸過夜間部做淨化 淨化咗先好用  風水上玉係有安神定驚作用, 最好係開咗光的玉, 不過如果係舊玉,親人傳落嚟 唔怕 我陀住豆沙多事，我媽都要我戴觀音 同 玉鐲保平安 玉鈪要 注意大細，BB手手大得好像快，要得閒睇下, 怕入到出唔到 豆沙隻手太幼 好易甩出嚟 成日好驚佢 整爛玉鈪 整親自己 我俾佢戴咗一輪就無戴 我地就將玉鈪放床頭或者綁係床頭 另外朋友教可以放佛公,觀音,平安扣,合bb個生肖的生肖玉(唔係BB的生肖) 有朋友個B一喊就幾個鐘，帶咗玉就明顯喊少咗好多 其他方法 呢D係其他媽媽朋友分享但豆沙媽媽就未試過,不過有時古人流傳落嚟的秘方係有佢道理的 去紙紥鋪問字腳化寶(會問下咩時間喊同咩方位) 台灣人會拜床母床頭婆婆，要日日供奉 放/戴 琥珀 / 天鐵 / 水晶 當科學方法做齊都唔work時,走投無路就會咩都試下 BTW, BB 喊其實唔係壞事，醫生有講BB喊係做緊運動，對個肺好,大人絕對唔可以唔俾BB喊 同埋呢,其實有一個可能係: BB成日瞓都悶GA MA, 見悶悶地咪喊下囉，當唱下歌練下氣呀嘛