自己都無諗過自己會有人奶，有得餵，亦無諗過自己泵奶會泵足21個月 如果豆沙唔係早產，我諗唔會堅持到咁耐 感謝老公同呀媽全力支持我餵人奶, 21個月嚟 （唔計自己去旅行）洗奶泵parts 同奶樽次數真係10隻手指數得晒 有日落廠，supplier 問我前世到底做咗啲咩好事，會有咁好的呀媽同老公，我諗咗一諗答佢：我前世一定係大慈善家嚟 (我今世都成日幫人ga，其實） 感恩呀媽生我出嚟，仲遺傳咗多人奶呢個基因俾我，唔算大富大貴都叫小富媽，夠餵飽豆沙，做個全人奶B 感恩有識埋身的豆沙BB，早產bb好多都因為用開胃喉，又錯過一出世就埋身飲奶的體驗，大部分早b 都唔識埋身 係醫院第一次埋身，得我自己一個抱住佢入餵奶房, 無護士，無母乳姑娘 之前未埋得身，成日自己一個係入面泵奶，好羨慕啲媽媽可以抱bb入嚟埋身, 個個都有個bb抱住，我就得個奶泵 望咗64日 終於望到豆沙夠重，可以埋身. 第一次埋身，我地兩母女就合作無間，呢一世都會記住第一次埋身的感覺,好感動 豆沙bb超捧場，捧場到唔肯飲奶粉，試過五隻奶粉都無一隻肯飲，就算飲咗都lur番出嚟，別無選擇，豆沙媽媽唯有繼續埋身繼續泵 感謝豆沙的"搵食架餐"，(我係咁叫佢)我的並肩拍檔，medela freestyle 奶泵，陪我渡過無數深夜，特別係坐月的單位數字溫度！21個月嚟只壞過1次，專業可靠，值得信賴 （另一次係人為，唔計） 壞奶泵真係會心臟病發，值得信賴真係好緊要！壞過就會明！誠意推薦，貴得值！媲美醫院級奶泵，我用過晒D醫院級奶泵，所以我知！#非廣告 #係真金白銀豆沙爸爸親自去買的行貨 感恩公司人奶配套充足，有泵奶房，有獨立細雪櫃, amazing!  感恩人奶路上沒大多困難，都試過幾次塞同士多啤梨奶，亦試過泵住食飯，泵住去旅行，泵住落廠，泵住OT,泵住坐火車，泵住坐飛機，笑住泵，喊住泵，病住泵 泵咗21個月人奶，我自己覺得呢個係一個 好勁的 achievement, 可以寫落CV  餵人奶無捷徑無秘訣，只得兩個字 - 堅持 其實背後係「愛」，愛豆沙沙先令到我可以堅持落去，緊持到21個月 = 639 days 泵咗21個月，都係時候，希望唔會塞啦，塞就唯有又泵多一排 繼續早晚埋身，希望自然離乳 下一個目標係兩歲, 世衛建議餵人奶的兩歲