【 安妮媽媽親子好去處 ｜日系親子好玩室內遊樂場 】 我哋前排約左朋友仔一齊去一間樓上親子遊戲室玩，上到去真係覺得好驚喜！1700尺的日式風格設計，完全係一個親子室內遊樂場，地方好大，仲有耳熟能詳的兒歌邊玩邊聽。   玩樂熊貓館GO PLAY PANDA CANVAS有超過300款遊樂設施，有電動車、巨型stem牆、木製玩具、鞦韆，連攀爬牆都有呀！唔好以為只得小朋友有得玩，大人去到都有好多選擇架，桌上玩具、卡拉ok、電動麻雀、VR遊戲機等，真係大人小朋友都玩得開心盡興！ （玩還玩，館內任何地方都需要配戴口罩架！）   全館分4個好玩區域，適合不同年紀。 **Go Play！自由玩樂空間 無諗過室內都可以有火車坐，好正呀！大人小朋友都可以一齊坐，行慢d又得快d又得，仲有復古車同minicooper電動車，真係揸車都有排玩，Aidan勁開心！ 館內中庭的位置特意留有一大空間，可以俾小朋友有更多走動的地方，地墊係車場圖案，又有模擬交通燈的指示牌，啱晒鍾意玩車的Aidan，同時又能學習交通安全知識，小型交通燈真係勁可愛。   仲有大型飛行棋，木製玩具，木製火車組件，鞦韆等。   **Go Stem！創意知育空間 最吸引Aidan的一定係這幅巨形STEM牆，有成300件唔同類型的組件，可以俾大小朋友自由發揮想像，創意建砌出不同效果。   **Go Fun！悠閒娛樂空間 大朋友最感興趣的 4合 1桌上玩樂機，懷舊街機及多款board game，仲有卡拉ok，電動麻雀及VR遊戲機，一班人去玩就啱哂！   **Go Gym！跑跳活動空間 Gym區仲有各種攀爬軟組件及一整幅攀爬牆，放電一流。   值得一讚的係場內的玩具設施保養得好新淨，而且擺放好整齊。玩完著緊鞋時已經見到場內的靚姐姐正進行大清潔消毒，臨走前仲會俾我哋再消毒多一次雙手。   玩樂熊貓館 - 包場服務 - 散場服務 - 拍攝服務 - 主題派對服務 - 教育活動(2020年底推出) *所有服務必須預約 ======================= Go Play Panda Canvas玩樂熊貓館 地扯: 九龍觀塘開源道54號豐利中心8樓801室(觀塘站B1出口直行6分鐘) ———————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com