斷奶一年仲會乳腺炎？   如果有睇過我blog，我曾是一位再度泌乳媽媽（即退奶後又繼續重新餵哺）網上有很多我嘅再度泌乳文章，我係由Hailiah 2個半月大先開始正式餵母乳去到佢2歲半戒奶。   點知斷奶後一年多後乳腺炎再次發生喺我身上，呢件事真係好詭異就由我去回想返我做過啲咩？ 有晚半夜我覺得個左邊胸好痛，一度體溫去到37.6度，未算燒但比平時體溫有少少高   發現個乳頭附近硬硬地，仲有啲白色奶水吱到岀黎，好黃又好杰咁。以我經驗應該係乳腺炎 我就上網睇吓有無我呢啲斷奶後一年乳腺炎嘅案例點知又無乜，不過就有話無哺乳過嘅媽媽都會有機會乳腺炎。 我就唯有推下推下想推鬆個胸，但因為我女已經唔食奶所以就無bb啜返通???? 乳腺炎多數會: 乳房有硬塊 乳頭疼痛，哺乳時疼痛加劇 乳房皮膚紅腫 發燒、畏寒、倦怠、肌肉酸痛 嚴重者會形成膿瘍   然後我偵探上身諗返起我前一晚做過嘅嘢好似係有跡可尋 ✨當日著嘅胸圍係有鐵線同有啲緊 由於壓住乳腺會有機會影響部分嘅血液循環，從而引致乳腺炎，加上天氣炎熱，汗水淋灕，也會滋生細菌   ✨夜晚我個女如常對我奶奶又錫又摸 （因為佢係戒奶後每晚要錫奶奶同掂住先訓得著）-  但原來咁樣都會刺激造奶 只要我女手同口水有細菌????透過接觸乳頭就有可以令我導致乳腺炎   當晚我以為自己搞得掂不過時隔一日都係好痛，其實好爭札，因為疫症都唔係好敢睇醫生嘛????好彩一班媽媽俾咗唔少意見我。   乳腺炎第二日我就決定睇醫生，醫生即時安排我打消炎針（右邊pat pat ），佢話我胸入面硬塊腫到皮膚紅哂已經有少少嚴重????佢仲話再唔搞就要開刀拎返啲朧岀黎 我一聽到可能要做手術: WHAT!!!!!!!  然後醫生安排我食2日藥後日再去覆診 佢叫我搵冰毛巾敷下,千萬唔好推唔好搞佢、掂佢同搓佢，咁樣反而會刺激佢。     好彩我返咗媽咪度，有人照顧Hailiah ，我都無咁辛苦，但到第三日，我一起身個胸仲係痛到核爆咁，即刻落去再睇醫生 醫生安排打第二支針，醫生話呢支比琴日強力啲嘅，今次係左邊pat pat????????。 返到屋企雪凍咗嘅毛巾同退熱貼一直無離開過我左邊胸，痛楚好似少咗，但因為一郁就痛，幾乎無落過床。     到乳腺炎嘅第四日係醫生叫我覆診之期，計埋今日其實我連續三日都落左去診所，醫生再check下我左邊胸口發現硬塊係細咗，但朧仍然喺入面，所以醫生又安排打第三支針，我問佢打邊一邊？佢話無所謂啦，你兩邊都打過啦！-_- 結果我揀咗左邊pat，因為右邊針窿唔知點解仲係好痛！然後再拎多3日藥，醫生話如果唔痛嘅話就可以用熱敷！明天再黎打針。 我（晴天霹靂）仲要黎？????????我已經前後打咗3次支，一共食5日藥。。。 醫生今次確定我係入面發炎變朧，而唔係奶水，所以保持胸部健康都好重要！ 乳腺炎真係好辛苦，特別係我有朧入無得岀，以前塞奶都話俾個女啜鬆佢，今次我痛咗足足一星期????大家真係不容忽視！   然後到乳腺炎嘅第五日，我一早落左去打第四支消炎針，胸部痛楚明顯少咗，但硬塊依然有????醫生話非哺乳嘅乳腺炎入面嘅硬塊有排搞。原理好似暗瘡咁，係一粒吱唔到嘅瘡，所以要復原嘅時間比較耐，而我都發現乳頭再無「奶水」漏岀黎，開始有好轉，但硬塊依然有????然後我就開始用熱毛巾敷佢，醫生話咁樣會有助身體吸收返。   到第六日，一如既往8點半去到診所，今次醫生開咗4日藥俾我同埋要去化驗所照超聲波，醫生話前排有個工人姐姐黎睇，又係有硬嘢同痛，食咗藥有所改善，但後來原來係一粒千年膿瘡????要開刀拎返岀黎????然後我聽完就飛弛去到化驗所，登記後交底$950，好快就到我，兩邊再照，過幾日去返診所睇報告。 ✅勤力敷胸（熱敷無罪，消咗炎唔痛就可熱敷） ✅食物清淡  ✅勤飲水 ✅準時食藥 發現個胸硬塊好似有少許改善，但都係等報告啊。。   乳腺炎嘅第九日有報告啦，醫生話睇落唔係好多膿喺入面，似係發炎，暫時唔洗開刀，食藥同熱敷改善病情。   於是乎我每7日就返去醫生度覆診 食咗一個月抗生素令我身體引起副作用 但點都諗唔到 #非哺乳乳腺炎 呢個病就跟隨咗我4個月，我下一篇再分享呢幾個月的煎熬。 >> 更多分享http://www.facebook.com/Hailiahli http://www.instagram.com/hailiah27