健康院一直提倡建立睡前常規 不哄、不抱、不搖，讓寶寶自行入睡   初生至兩個月時，胡小姐都需要胡生胡太安撫入睡 晚上，通常哄睡半小時左右，胡小姐便會入睡 然後胡生胡太就會慢慢地、靜靜地放佢落嬰兒床 胡小姐睡著後，胡生胡太才可以真真正正地上床休息   起初，都安然無恙，但直至胡小姐差不多三個月 胡生胡太按慣常做法，哄胡小姐睡覺 當我哋以為胡小姐已經入睡，準備放佢落床之際 佢就喊，但抱返起又繼續瞓   如是者，嘗試過幾十次 每當我放胡小姐落床，佢就喊醒 我好記得當晚，哄睡至凌晨5點 才成功放到胡小姐落嬰兒床瞓覺   從當晚起，我就意識到胡小姐已經不小心地 被我哋養成依賴大人協助入睡嘅壞習慣 若言，佢每晚都要哄入睡至凌晨 大人豈不是無覺好瞓?!   所以我當機立斷，決定要改正胡小姐睡前習慣 1）睡前不抱、不搖、不哄 2）規律作息 3）自行入睡   改正行動，由翌日開始 參考咗健康院建議，替胡小姐建立睡前常規 https://www.fhs.gov.hk/tc_chi/health_info/child/13043.html   協助寶寶自行入睡工具： 1.安睡寶寶公仔 一隻 2.輕音樂 大量 3.安全+容易入睡嘅環境 極力推薦Fisher-Price 安睡公仔 安睡公仔分別有長頸鹿及海馬 輕輕擠壓便會發出柔和燈光 燈光會慢慢變暗，內有8首搖籃曲 非常適合哄睡寶寶   兩款公仔，我更推薦長頸鹿多於海馬 因為音樂播放時間較長，可以連續播放15分鐘 而且價錢較安睡海馬便宜 每當胡小姐有睡意時，我就會放佢落嬰兒床 播著安睡公仔音樂，讓佢自行入睡   起初，胡小姐並不習慣，半夜又會醒來哭鬧 我參照健康院建議 https://www.fhs.gov.hk/tc_chi/health_info/child/13044.html   若胡小姐哭鬧超過10分鐘 我才會坐喺床邊安撫5分鐘，但唔會抱起 然後，無論5分鐘過後，有否繼續哭鬧，我都會離開 若再過10分鐘，仍然哭鬧，我又會安撫5分鐘 如此類推   胡小姐跟我同房但分床睡 半夜哭鬧時，影響到胡生睡覺 剛開始實行，胡生又質疑我嘅做法 我倆亦因為咁，而大鬧一場   後來胡生胡太有了共識 我倆忍耐並堅持咗一星期左右 就有成效，即使胡小姐半夜醒來 只要再次播著安睡公仔音樂 佢就會自行入睡 直至依家，胡小姐已經一歲多 每次瞓覺，只需要攬住安睡公仔就能自行入睡 當然，當胡小姐唔舒服或者吽牙，我會哄睡 但喺正常情況下，胡小姐都係自行入睡   所以爸媽們，只要堅持並相信 孩子們一定學會良好嘅睡眠習慣   過程中，爸媽不要質疑、懷疑自己 曾經我都懷疑過自己，到底咁做係岩定錯 但我以過來人身分，告訴大家   只要父母立定決心、持之以恆 寶寶一定能學會自行入睡 父母不必擔心太多   另外胡太開咗facebook專頁代購團，望大家多多支持 飛行媽媽雜貨代購團   想追蹤更多胡小姐及愛犬咖哩的生活日常 歡迎like & follow, 亦歡迎產品試用或合作 #Facebook #Mamibuy #PressLogic #Blogspot #ohpama #ublog