其實有諗過打唔打呢篇分享, 因為唔想媽媽們拎住呢篇好似check list 咁一樣一樣咁迫BB做,豆沙媽媽變相做咗幫凶 無論咩年齡，最好的學習方法一定係從遊戲中學習, 從遊戲中學習, 從遊戲中學習 (很重要,要講3次)   小朋友只得一歲, 千萬不要揠苗助長,百害而無一利，開心的環境中學習先會事半功倍   豆沙早產,定時要番去職業治療師到跟進佢身體發展，而佢有參加中大的一個研究,亦有提供評估 係2018年12月同2019年1月分別做咗兩次評估，應該係同一系統，模式內容都好相似、都係威院做   所以今次印象特別深刻,可以寫得番出嚟90%個評估內容 寫出嚟 目的係　想媽媽們了解到BB的發展程度,如果有嚴重落後,可以及早發現,搵專家幫手 而媽媽們亦可以有一個大約的概念,一個全面的評估會係點, 而亦可以知道自己小朋友邊一方面夠弱, 針對性盡量陪佢玩多D,培養BB的興趣 要記住 bb 其實好sensitive 你愈迫佢 佢會感覺到壓力 佢反而愈唔會做  但如果你無俾壓力佢 好歡容 陪佢一齊全程參與 支持佢 做唔做到 都一樣咁開心 bb會感受到你ge支持 先會肯不斷試 bb的行為好多時取決於父母的態度, 父母要好好地調整自己個心態 bb係無壓力下長大先最健康（又長氣，又離題啦你，豆沙媽媽）   推車車 ~ 睇BB識唔識推前推後，推離推去 手指 篤loan ~  一條黃色長積木上面有好多loan, 要佢篤入去 放棍仔~同一條有好多loan的黃色長積木上面,打橫俾BB拎住棍仔，BB要轉手,打直放棍仔入loan到, 睇佢識唔識轉棍仔的方向 積木疊高 ~ 將紅色四方膠積木疊高，好似大粒的骰仔, 要疊三粒或以上 放野落杯 ~ 呢啲紅色四方膠積木入杯，放3-4粒, 再係杯拎番出嚟出嚟 揭蓋 ~ 透明樽，類似藍色星星餅個種蓋，裡面放玩具 扭蓋 ~ 類似留小便黃蓋透明樽，裡面放玩具, 係佢面前扭一次 開咗，再扭埋 小小, 睇財佢識唔識開 拎多件物件 ~ 一隻手拎多過一樣野，例如兩粒紅色四方膠積木單手一齊拎起 放野入樽 ~ 有啲細粒長型的玩具，打橫拎住，點樣轉手變打直入落個葡萄式樽到 倒野出樽 ~ 細粒玩具入完樽之後, 睇下佢識唔識倒轉倒番出嚟,個倒轉個意識，就算倒唔出都ＯＫ 睇物件移動 ~ 兩塊一樣的毛巾，一枝筆收埋係 其中一塊毛巾下面，要bb搵番出嚟，另一次收埋再換位要佢搵 Lup圈圈 ~ 一個一個lup 落去，唔駛跟大中細 有魔術貼的生果 ~ 要睇佢摵開同貼埋 收拾玩具 ~ 將所有玩具放入玩具箱 筆筆畫畫 ~ 用蝋筆示範一次，再俾佢畫，畫唔中但有畫個意識都算 位置邏輯 ~ 透明盒 三邊密封 一邊開, 裡面放玩具或星星餅，睇佢識唔識搵 番出嚟 ， 分別試晒左右兩邊 匙更 ~ 扮餵食，餵自己，餵公仔 或者餵爸爸媽媽，餵治療師 水杯 ~ 扮飲水，自己飲，餵公仔，餵其他人 形狀版 ~ 有圓型，三角，四方，治療師話拼到圓型就收貨 黃色膠鴨仔 ~ 咇到出聲 係樽入面拎野 ~ 星星餅係透明樽入面 無蓋 要佢自己拎出嚟食 一堆積木 ~ 要BB兩隻手一齊拎野 圖書 ~ 睇下識唔識睇同揭 有個環綁住條繩 ~ 睇佢識拎住條繩fling fling 下個環 有個環綁住條繩 ~ 睇佢識唔識拉條繩去拎近Ｄ個環   豆沙大約做到80% 個治療師話已經over average 小小 有Ｄ位豆沙做唔到，但如果佢有個intention 去做 但唔成功都 已經計佢得   豆沙個職業治療師好有心機 俾好多advice 我地  豆沙玩玩下自已爬走咗去玩人地啲玩具, 佢教我地俾書枱仔佢 一個特定的位 畫下畫 砌下Lego 等佢專心番啲 要俾大Lego 佢 練佢手仔砌同拆, 同埋收起一啲玩具 等佢專住玩某啲玩具  同埋叫我地唔駛買太多玩具，可以的話就去多啲 玩具反斗城俾佢玩 俾多d唔同texture ge野佢摸，包括d核突texture 教我地 用益力多樽俾 豆沙 入 未煮的長通粉或者螺絲粉， 入完再倒出嚟，咁樣訓練佢 手仔靈活  教型狀就由圓型開始   豆沙 有一下好好笑， 人地俾 透明樽佢 無蓋，裡面有星星餅 要佢拎嚟食, 豆沙拎住個樽一chok， 粒星星飛咗上去再跌落枱，佢一手就拎咗放入口， 前後只有五秒，兩個做評估的醫生呆咗 之後大笑   不過我地做兩次評估 前後半個月， 第一次佢唔識 餵公仔食野 飲水，跟住聖誕放假 我地開咗套煮飯仔，有spoons & cups, 到第二次評估 佢就已經識 BB學野好快，其實只要同佢地玩多啲就得   最重要：有耐性，慢慢嚟，唔迫得   題外話： 個職業治療師 仲話佢唔行就由得佢爬 ，爬得多反而仲好, 但要正宗 四點爬 遇到有heart 的職業治療師真係好感恩