BB展又就嚟到啦, 大家心水有D 咩想買呢? 奶樽消毒器會唔會係你check list 上的一個key item?    其實 豆沙媽媽 覺得豆沙沙係好好腳頭，自己會帶齊野嚟呢個世界，包括人奶，床仔，衫仔，bb用品，樣樣都有親戚朋友自動送上門, 仲要有帶多無帶小   其中一樣豆沙媽媽比較大投資 就係 奶樽消毒機   曾經,有人問過: 點解要買部機, 以前都係用水煲烚奶樽,你地咪一樣咁高咁大,仲仔女都就出世 豆沙媽媽的回答: 以前都無智能電話, 不如你試下俾咗個電話我唔好用啦, 你以前無用 都生活到啦 跟住有人就無再出聲   其實 消毒奶樽大約有幾種方法:   滾水烚 最old school, 如果得一兩個奶樽或parts 懶得開機就會用呢個方法 好處：成本低，簡單操作，可以處理少量奶樽parts, 高溫殺菌 壞處：唔算快，要等水滾再煮10分鐘, 唔方便，要睇火，要好大個煲先可以一次過烚得晒，烚完出嚟濕粒粒   奶樽消毒器 科技係方便人類生活，奶樽消毒器有好多唔同種類，方便好多 好處：全自動，唔駛睇火，夠乾淨 壞處：五花八門，成本由$3-400 至 $1-1500 不等，老人家未必識用，時間耐，要定期清潔   奶樽微波爐消毒袋 呢個係外國的媽媽好commom 成日用 豆沙媽係用medela freestyles，之前同赤米媽去日本旅行一日叮幾次. 係香港就通常係帶漏野，係公司即洗即叮 因為自己屋企同娘家都無微波爐 好處：低成本，勁方便，快 壞處：有次數限制，個袋好細，泵一轉奶要叮兩轉，成日形住唔夠乾淨，局限要有微波 以上係豆沙媽媽用過的方法 另外，其實仲有以下方法 化學劑消毒 - 日本好似好興，見日本bb 野shop 有呢啲粉賣 奶泵專用消毒濕巾 - 豆沙媽有買，又係無咩點用,成日形住唔夠乾淨 微波爐奶樽消毒盒 - 近排先覺眼,無咩研究   做咗人呀媽, 最緊要係仔女, 跟住就係時間 每日爭分奪秒打仗咁其實都係為咗仔女, 尢其醫院屋企兩邊走的早產父母 所以 選擇啱自己的消毒方法, 同合適的 奶樽消毒機 係好緊要 一日起碼開機一至兩次, 真係要認真揀下, 大家要同部機好好相處   利申: 豆沙媽媽分別用過以下三部機, 兩部真金白銀係一田買, 一部2手人地俾, 絕對唔係葉佩雯   Nuk 圓型白色二手 來歷不明，唔記得邊個俾豆沙婆婆，由於weekend先番自己屋企，較小用，所以拎呢部過去 無哄乾功能好唔慣,成日水dei dei 有上下層，但成日好易跌野（其實可能係無運動細胞的豆沙媽自己論盡） 而且蒸緊同蒸完都有一陣臭膠味, 臭膠味, 臭膠味 清潔都麻煩，兩個籃咁樣 用用下又發現個底好似有啲生鏽，所以決定買過一部 Ulmuka duo  2017 年10 月係一田買 遲咗買無得送暖奶器，放係婆婆屋企用最高峰時間一星期七日,每日兩機 好用，雖然一開未用已經裂咗 有哄乾，有螢幕，有溫度睇(當埋溫度計用的概念)，有時間睇，有響鬧，容量ok 係圓型好大舊，個底坐仲大舊，豆沙爸爸洗佢係要拎入浴缸，廚房唔夠位 個底清洗比較困難，婆婆就係整濕咗唔可以整濕的底坐而壞咗，送番去維修再用過 Brilliant  呢個就係因為nuk要換所以再買一個 有哄乾功能係基本要求，原本睇緊佢同法國的Thomson baby, 咁啱一田bb展有折 就買咗, 2018年9月的事了 坦白講，豆沙媽媽無搞過佢，說明書都無睇過, 因為番到自己屋企係豆沙爸爸包辦晒 （神隊友間中會神神地唔駛羨慕） 佢個 排氣口同倒水位分開清洗容易D，聲稱有空氣過濾系統 有唔同 mode 可選擇，仲話可以暖奶同 加熱粥仔， 同樣係無用過ge 有顯示器 睇時間, 有防乾燒保護裝置, 可分體 最頂有蓋 可開可關，豆沙媽媽要研究下幾時要關, 幾時要開，因為有時哄完仲有小小水，有時又乾晒，豆沙爸爸應該無留意呢樣野 豆沙媽最鐘意佢唔係圓，而係長型，比較易擺位, 無咁阻地方 以豆沙媽媽咩都研究一餐的性格,豆沙出世前 做咗個詳細的研究, 不過已經係back to 2017 九月的事了, 呢個excel 就係證據 而家多咗好多選擇，等豆沙媽媽下一篇blog 教下你點揀啦... (寫咗咁耐都唔入正題, 係到呃飯食,呃收視)