豆沙媽媽 選擇奶樽消毒機的考慮因素: 1. 有無哄乾功能 第一樣 好重要, 一定要有哄乾功能,哄乾功能,哄乾功能 (重要的事情要講3 次) 無哄乾功能,蒸完出嚟 濕粒粒,水dei dei,又要fling 乾,又要放雪櫃,雪櫃邊有咁多位, 又會擔心呀B飲埋個D 水氣 特別冬天,半夜起身泵奶,濕粒粒的喇叭吸上去個胸到,凍到你呢 而且有水唔入雪櫃又會滋生細菌, 香港成日都咁潮濕, 真係好驚發毛 有哄乾功能,蒸完哄完, 凍番小小夾佢地入密實盒, 完! 一了百了, 要用開盒拎就得, 方便快捷! 不過有人會擔心哄乾D空氣唔乾淨,有D會寫埋有空氣過濾,不過其實我地每日都呼吸緊屋企個D空氣,其實都唔會好污糟 2.造型外觀, 長闊高, 擺位問題 香港地 土地問題唔駛豆沙媽講 多一個bb 就多勁抽 勁抽 勁抽 多野 阻唔阻位都真係 好緊要 奶樽消毒機 會出蒸氣 要擺通爽地方 盡量唔好係櫃入面, 如果唔係D櫃好易發毛 另外,奶樽消毒機部部都唔叫細, 特別係圓型設計個D, 擺邊到, 夠唔夠位擺絕對要諗清楚 豆沙媽媽買第二部就揀咗長型D放窗台,都唔細,但無咁"亞咋" 3.間隔, 有無分上下層/大細隔 買屋就話要睇間隔, 其實奶樽消毒機都要, 不過呢樣好基本 對新手父母嚟講奶樽係一個, 1 bottle only, 但到你落手落腳就發現, 一個奶樽其實可以分為 a樽身，b樽蓋，c樽環，d奶咀 TOTAL 4樣野 而奶泵 就有 奶樽，喇叭， 配件， 豆沙媽媽用medela freestyle 就 係一開三的配件 D 細件野要有一格分開先容易處理 一個唔該唔小心整跌落地就要再蒸過 4.容量 - 放幾多個奶樽 可以放幾多個奶樽係一個標準去judge 大細 不過大唔代表好, 當係 combi 部9樽大機, 你自己會唔會真係儲足用晒 9個用過的奶樽先嚟開一機? 可能你跟本奶樽都無9個咁多. 但如果掉轉係孖B就絕對需要 同埋,仲要留意係用 闊奶樽 定 窄奶樽, 搵唔到資料就最好去有賣機又有賣奶樽的百貨公司自己親手試下放落去, 最多試完放番原位 豆沙媽有一期用spectra 的喇叭泵奶，佢係好好好超級"亞咋", 兩個喇叭加兩個奶樽已經無咩位，四個可能要分兩轉 仲有, 真係好睇你埋身多定樽餵多, 不過呀B 一日唔出世一日都唔知咩環境, on average 蒸到6-8奶樽係正常 同埋一日每日開幾多次機都要考慮,細機密密蒸, 定大機一次過, 就好似打麻將三番密密食定清一色自摸一鋪大咁 (過年打牌打上腦) 5. 使用時間 長短 時間緊係愈短愈好, 方便忙碌的媽媽們 使用時間 有分 消毒時間 同 哄乾時間 兩個 奶樽消毒器的原理係,倒D 水係機底, 用電力加熱D水到100度,D 水變做水蒸氣去消毒D 奶樽 當衛生署建議水烚要10min 時, 豆沙媽媽就用覺得蒸氣都應該要番10 min 咁上下 而哄乾時間就真係愈快愈好 同埋有無得只淨蒸,淨哄乾,定無得揀要焗住兩樣一齊孖住 6. 價錢 / 保養 唔駛我講,大家自己識睇, BB展通常平D, 或者一田sogo jusco 購物節有特價都抵買 hktvmall 貴D , yoho 友和都正常， 可以上price.com 參考下 不過豆沙媽媽個ulmuka係一田買, 買咗幾日先開, 一開就個筒裂咗, 七日內番一田換番 另外又試過豆沙婆婆洗壞咗,要SF寄番去整, 一田買有保養, 只需要俾運費(因為我懶,唔想親自拎去拎番) 故事帶出保養都係一個考慮因素 7. 贈品 豆沙媽媽努力斷捨離, 一見贈品就好怕 有D奶樽消毒器會送成SET奶樽, 一嚟唔知BB啱唔啱用, D 膠又唔知咩膠, 唔啱用又要搵位放, 賣出去又煩 免費唔一定好, 地球先生重病啦 8. 防乾燒響鬧裝置/螢幕顯示 原本我地再買第二個時有考慮California bear 的, 因為平Ｄ, 不過豆沙舅婆用爛咗 原因係 佢唔記得加水就開機 咁就喔噢 而相對地豆沙婆婆用緊個部ulmuka 就有響鬧裝置，無水唔會蒸，仲會咇你無落水，你加番佢先會蒸 如果你好肯定200% SURE 一定記得落水就唔需要呢個function 另外有螢幕顯示都幾好，部ulmuka 睇到 開機時幾多度 （當埋溫度計用的概念），一邊蒸 個溫度一路上，又有show到 仲有幾耐完 皆因豆沙媽媽試過一個奶樽都用晒，開咗機先知，企起部蒸機隔離倒數等蒸完哄完拎奶樽浸奶餵豆沙 （咩呀媽嚟！？） 9. 其他考慮因素 容易操作 - 如果係婆婆，工人用多，建議搵Ｄ簡單操作，有螢幕睇比較易用Ｄ 可唔可以分體 - 其實係方便,但你會唔會拆開佢嚟用係一個問題 清潔 - 愈多配件就愈多野洗，易唔易清潔都係一個考慮. 始於bb飲落肚，平均一個月至一個半月就會洗一次 可以暖奶，整副食 - 其實，你真係會用嚟整副食？ 放埋玩具落去消毒 - 首先你係咪會記得晒每一樣牙膠,玩具係咪蒸得 產地 - 其實都走唔甩係中國, 不過都可以考慮番個牌子係咩國家, 日本,英國,德國,法國呢D會比較有信心 12/24小時密封 - 有D 賣點係蒸完哄完係入面12/24小時無菌保存都無問題, 但你唔會12/24小時都唔拎奶樽出嚟用, 同埋一開, 個無菌狀態就無咗, 你都係會要死死氣地夾番剩低的奶樽入密實盒 UV消毒 - 豆沙媽有諗過, 但有幾個都寫住有啲膠唔得，太複雜，太懶, 做咗呀媽已經好忙, 仲要續樣野記住叮得定唔叮得，你咪搞我. 有媽媽朋友講過ＵＶ蒸完個奶咀黃晒之後就唔敢再用. 而家多咗好多有哄乾功能的奶樽消毒器牌子, 豆沙媽盡量list out 晒我知ge, 大家自己買之前要做下功課啦! 佢地有ｄ，有哄乾同無哄乾兩種都有出，買時要小心Ｄ,唔好買錯 黃色小鴨 B&H Mamajoo Fisher-price Combi Ulmuka Babymate Brillante California bear Thomson baby Mimosa 奶樽消毒機使用小貼士 1. 我地好聽話會用蒸餾水去蒸奶樽，減少雜質礦物 2. 有時個裝水位都係有D漬，落DD檸檬汁開吉機一次就會無晒
