做左媽媽就快3年，近呢一年湊小朋友價格觀改變左好多。特別當我睇左「大吼大叫的企鵝媽媽」繪本之後！(大家可以google一下) 好多時照顧者對住bb真係好容易炆, 特別係trouble two個陣!! 好多時佢地係唔知道既情況下踩到我條底線… 倒如: 飲水個陣係到bu水, 整到成張梳化濕晒/ 貼d貼紙係牆到等…呢d情況加重左自己工作量, 又驚佢唔聽話就會開始好炆, 甚至開始爆佢地。但大人爆完好多時就會無事, 但對小朋友做成既傷害好可能就一世 舉個簡單真實例子: 有日我沖完涼, 發現囡囡係我房既門上畫畫，心底有一刻好想話佢，但見到佢畫得好開心，仲笑住咁同我分享佢畫左d咩，我個一刻嬲唔落。當然畫門對好多家長都好困擾，但如果個一刻爆左佢，佢既角度可能就係媽媽唔認同佢畫畫，而唔係因為畫左道門。咁樣係會好影響佢將來對創意既發揮。所以我個刻就讚佢畫得好，請佢介紹一下畫左咩，然後再同佢解釋返其實唔可畫門，但我地可以畫紙上面，仲請佢幫我手刷返走d筆痕。 換左道門幾百蚊/ 花時間去處理其實都係好簡單既事，若果因為個幾百，而對小朋友心理傷害做成影響，就真係因小失大。可能只係因為好小既事，但就影響左小朋友同你之間既感情，其實真係好唔值得。 下次當自己好炆個陣，不防提醒自己深呼吸，然後慢慢再同佢小朋友解釋同請佢地一齊執返好!   鍾意我嘅分享可以Like我地Facebook同IG比個支持我！會更快知道我既Update架！ Facebook：https://www.facebook.com/90sMummy/ Instagram: https://www.instagram.com/minarainlo/