【竹媽育兒分享❤️初生嬰兒健康院檢查】⠀ ⠀ 紅豆冰一直係醫院個黃疸指數都好低，雖然收水令到體重跌左，但兒科醫生覺得以全人奶黎講，情況尚可接受，所以叫我地可以等多一兩日先返 #健康院登記（註1）。係妹妹出院第二日，竹媽settle好晒自己啲野，就打電話去屋企附近嘅健康院登記（註2），準備同妹妹去check #黃疸指數同 #覆磅！⠀ ⠀ 註1 正常應該係出院當日就要去登記健康院，健康院會因應bb出左世幾多日，安排最早既時間，通常都會係即日/第日既time slot，視乎唔同健康院既既定schedule (例如：西灣河母嬰健康院星期一至六都有提供 #兒童健康服務，但灣仔鄧志昂就星期一休息）⠀ 註2 健康院電話可以係以下網址搵到⬇️ https://www.fhs.gov.hk/tc_chi/centre_det/maternal/maternal.html⠀ ⠀ 預備去健康院所需文件 1/母親身分證正本&父親身分證副本⠀ 2/針卡⠀ 3/出院紙⠀ 4/聽力測試報告⠀ 5/醫生信(如有）⠀ 6/出世紙(如有)⠀ 疫情期間，健康院只比6個月以下既初生嬰兒有2個人陪同去健康院，6個月以上就只可以1個人 ⠀ 第一次去登記，職員會叫你填份表格，都係父母同BB既資料，如果第一次媽媽唔方便去，可以事先上網print定份表格填左先，到時比陪BB去既人(例如陪月)交比健康院⠀ (表格下載: https://www.fhs.gov.hk/tc_chi/doc_br/files/fhs_11b.pdf)⠀ ⠀ ⭐️見姑娘⠀ 登記完，職員會比張飛仔你等嗌號碼，入到房姑娘會叫除晒衫同尿片，抱BB去磅重同check黃疸指數⠀ 之後，就再等嗌籌碼去見姑娘，姑娘會詢問返一般既問題同mark返啲資料返落書仔，通常都係問BB一日食幾多餐？奶粉定人奶？埋身定奶樽餵？媽媽一日泵幾多次奶？泵到幾多ml？ 姑娘會比返本屬於bb既「兒童健康紀錄」書仔同埋幾本健康院既小冊子，關於初生嬰兒由一星期去到一個月既發展同資訊，叫媽媽返去睇⠀ 如果媽媽有問題想問，例如餵人奶既問題，可以要求見 #母乳姑娘⠀ 之後就再等嗌籌碼見醫生⠀ ⠀ ⭐️見醫生 醫生會睇返姑娘mark既資料再同媽媽講返bb既問題，例如紅豆冰就出世去到第7日返健康院都仲跌緊磅，醫生就會比返啲建議點樣追磅（離不開就係密密餵，feed on demand)⠀ 醫生會做一啲好簡單既檢查(視力檢查、臗骨、反應)⠀ 如果黃疸指數有問題就有機會會refer返醫院照燈 ⠀ 如果無乜問題，就可以拎住張針卡去預約處預約一個月期返黎做 #免疫接種＋ #健康及發展監察。⠀ ⠀ 整個檢查大約需時2小時左右⏱⠀ ⠀ 建議媽媽們用一個透明既folder裝起bb既針卡同健康院本書仔，因為每一次返去都一定要帶，袋埋一齊就方便好多。同埋針卡係千祈！千祈！千祈！唔可以唔見，跟足bb一世架！！！ ⠀ ⠀ #下回講下係健康院同私家打疫苗既分別⠀ ⠀ ⠀ ——————————————⠀⠀⠀ ❣️IG : www.instagram.com/tamsiumoon⠀⠀ ❣️Fb: www.facebook.com/tamsiumoon0521 ⠀⠀ ⠀⠀ ⠀⠀⠀ #山竹媽X竹豆日誌 #新手媽媽 #竹竹 #育兒日誌 #二寶媽 #孕媽媽 #孕媽咪 ⠀⠀⠀ #加固心得 #母乳餵哺