當寶寶進入出牙期會出現哪些症狀？ BB出牙不適症狀: -牙齦紅腫、冒小白點 -牙齒會癢 -食慾不佳 -脾氣煩躁不安、容易哭鬧 -變得喜歡咬東西   家長怎樣做才能改善出牙引發的不適？   給予適合咬的物件 準備固齒器、安撫奶咀或材質適合咬的玩具，要以安全為先。   Cayden bb 4個月已經開始出牙，咩都想放入口咬，包括我地隻手...佢唔鐘意食奶咀，所以要俾其他物件俾佢咬，我地買左唔同既牙膠(增加新鮮感)、咬咬巾、布書俾佢。   呢個黃色星星韓國牙膠，設計好好，可以套住bb隻手，令個牙膠無咁容易跌落地，相信各位媽媽都有試過無限次執牙膠既經驗...               餵食同時磨牙 我地買左個咀嚼訓練器(網網)，放切左大塊既水果條或者蓉入去，俾bb自己拎住自己食，唔洗擔心會啃親，順便俾佢訓練手力，亦可以用作磨牙用途。         另一個係NumNum Pre-Spoon，我地唔係行blw，但好多時又見bb伸手想拎餐具，所以會用 Num Num，沾食物泥或者果蓉俾佢自己揸住食，食緊既時候仲可以當牙膠，舒緩出牙不適。         準備適合磨牙的食物 準備食物，例如：切成長條狀的蔬果、菠蘿圈、芝士條、果泥等，亦可俾bb專用的磨牙餅。不過，當bb食完食物後，記得幫佢清潔口腔，避免增加蛀牙的機會。   將食物雪凍，可更有效舒緩不適，但注意溫度不要過冷。       按摩寶寶牙床 將紗布巾沾濕後輕輕按摩bb牙床，亦有助於緩解不適。這個時期的bb喜歡啃咬，家長按摩時小心被bb咬到。仲有手指牙刷，除左可以清潔牙齒，幫bb養成刷牙習慣，仲有助舒緩牙齦酸痛。   用人奶/水濕布 紗布巾用水或人奶浸濕，將紗布綁成一個結，或可綁幾個結，用保鮮袋袋好，放進雪櫃冰格，15-30分鐘後取出，如有需要，先解凍幾分鐘，然後俾bb咬。