因為Marcus BB 係一個十分有個性既BB, 喺揀奶樽方面我都走左好長既路, 我曾經買過Dr. Brown, Chu Chu窄口玻璃, 寬口玻璃,窄口PPSU, Pigeon 窄口PP 同埋Philip Avent  寬口樽.   以下跟據Marcus 使用既先後次序講下優點缺點.   Dr. Brown, 防漲氣奶樽 , 賣點係活動式排氣管設計,保存到維他命A、C、E.   其實我唔鐘意, 因為竟然會漏奶! 令我既暖奶器入面既水白濛濛一片, 曾經網絡上search 過原因, 發現係部分人有咁既情況, 部分就話無, 會唔會係唔識用咁話.  我作為新手媽媽, 當年喺BB展一買就買左一set (連埋蒸奶樽機, 另一個新手媽中伏位, 有機會再講) 公道地講, 唔係個個樽都漏, 不過係咪搞笑? 沒有QC的嗎? 另外, 個活動式排氣管係兩個組件黎, 洗死人. 你諗下, 通常都係儲埋幾個樽先一次過深層清潔再拎去蒸, 如果每次整6個樽, 6x2 =12, 你要洗多12舊野, 我買既時候諗, 洗野好簡單姐, 到你要湊B時只想多一秒睡眠, 如果交俾姐姐洗, 我自覺佢唔會認真用幼管刷去刷...至於保存到維他命A、C、E.  我唔太明個原理亦不太相信係因為枝死物活動式排氣管做到既野   Chu Chu 窄口玻璃, 寬口玻璃,窄口PPSU, 賣點係日本製做, Super Cross Cut 奶嘴獨有設計，根據BB吸力自然調節流量，不吸吮時不會出奶，避免濁親BB, 奶嘴適合任何月齡寶寶，無需分大、中、小碼 初生頭一兩個月麻麻地, 後期大愛, 話說佢個奶咀係要吮先出奶, 初生時咀仔唔夠力, 呀B吮得好辛苦, 到第三個左右, 呀B掌握到節奏, 狂Chur 好快飲哂, 中間你會見到BB會抖下唔吮, 呢個時候都唔會出奶, 所以唔會濁親, 加上仲細會奶睡, 可以驚小樣.  後期點解大愛, 係因為BB大個啲識自己拎樽就會邊飲邊玩! 用其他唔吮都出奶既奶樽就會俾佢玩到成身成地奶!     Pigeon 窄口PP , 其實樽身同CHU CHU 一樣一彼此奶咀可以交換, 佢原裝奶咀就係唔吮都會出奶, 初生頭一兩月我由Dr. Brown 轉左用佢, 都OK, 好平, 因為係PP 樽, 感覺無其他咁安全, 後期拎哂去一田用半價換Chu Chu 樽 (大概一年有一次咁既活動, 任何樽都得,咁當然拎最平既pigeon 去,  哈哈).   Philip Avent  4OZ寬口樽, 賣點都係減少絞痛, 話時話有咩奶樽唔係用呢個做賣點, 哈哈, 由於新手關係, 一開始只係買左9安士既Dr. Brown x 6, 長老一上黎見到即刻教訓一番, 話咁大個樽咁少奶會吸左好多肚風架! 咁就衝左去買, 感覺無咩特別, Marcus 用呢隻會飲得好慢....