午餐多數都會煮粉麵俾小b，因為夠快同易入口，尤其夏天，留多陣喺廚房都唔想！ 今次就分享呢款《火速清碟之西蘭花濃湯意粉》，4種材料就做到，喜歡嘅可加雞肉、魚肉都得！ 材料: 1. Bruno Choice有機意粉 70g (其他意粉都可) 2. 西蘭花 小半個 (切細) 3. 奶/配方奶 120ml 4. 細薯仔 1個 (切粒) 做法: 1) 薯仔、西蘭花，烚熟備用。 另一邊廂，小煲加適量水煲滾，加入恐龍意粉煮10分鐘，備用。 2) 將薯仔、西蘭花及奶放入攪拌機打滑。 3) 將已打滑既西蘭花薯仔濃湯煮滾，盛起，將意粉加入濃湯內，完成。   如有蒸煮機的話，仲簡單仲快^^ 蒸煮機做法: 工具: Babymoov - Nutribaby食物調理機 做法:  1) 於Nutribaby食物調理機底坐加入水，將恐龍意粉放入白色蒸架，並加入150ml水; 西蘭花及薯仔粒放第一層蒸籃;  將奶放頂層蒸籃。 開機選擇蒸煮功能，蒸15分鐘。   2) 蒸煮完成後，將蒸熟的西蘭花、薯仔及奶放入攪拌機內打滑，然後倒在碗內，並將意粉加入濃湯內，完成。 更多食譜分享，可瀏覽 https://www.facebook.com/MyBabyAustin #小B食譜 #小B飲食 #食譜 #寶副食 #寶寶食譜 #兒童食譜 #二寶媽  #小b媽媽廚樂 #鄭小b之成長日誌