紅豆冰滿月代表要返 #健康院 打1個月針，健康院係為小朋友提供最普遍既疫苗注射(兒童免疫接種計劃)，如果想要全面啲既保障，就要去私家診所買額外保障啦。⠀ ⠀ 另外如果打左政府既疫苗，再去私家診所打其他針，bb就會打多好幾針，見到bb吉咁多下大脾仔，會勁心痛，所以就有啲減針攻略分享，例如竹媽1個月同2個月就唔會返健康院打 乙型肝炎疫苗同4合1（2枝針），會改去私家診所打6合1（1枝針合併左4合1+乙型肝炎疫苗+乙型流感嗜血桿菌疫苗）⠀ ⠀ 媽媽們都需要留意返有啲私家診所係只由註冊護士打針，唔會安排見醫生，另外有間係由醫生去幫bb打針 ⠀ 以下竹媽將健康院兒童免疫接種計劃要打既針，同市面兩間比較出名既私家診所(K & H)提供既計劃做左個比較，等大家可以參考下有咩額外疫苗要打同點樣可以減少注射針數 ⭐️最經濟⠀ 全部針去健康院打，因為自己需要再去私家補打疫苗⠀ 例如：口服輪狀病毒疫苗⠀ ⠀ ⭐️最普遍⠀ 部分針在健康院打，例如13價肺炎球菌疫苗、四痘混合疫苗，其他針選擇去私家診所注射，可以減少注射針數同減少副作用⠀ ⠀ ⭐️最省時快捷有彈性⠀ 所有針去私家診所打，因為時間由你去同診所預約，去到都唔洗等太耐，診所比健康院少啲人，疫情期間都盡量減少帶BB去多人地方⠀ ⠀ ⠀ 利申：呢篇比較純粹係竹媽既非專業既分享，有需要專業意見請咨詢醫生或你選擇既診所職員。⠀ ⠀ 再利申：非贊助廣告分享，竹媽自己真金白銀買疫苗計劃，所以唔方便出診所全名同計劃既名，有需要可以pm我⠀ ⠀ ⠀ ⠀ ⠀ ——————————————⠀⠀⠀ ❣️IG : www.instagram.com/tamsiumoon⠀⠀ ❣️Fb: www.facebook.com/tamsiumoon0521 ⠀⠀ ⠀⠀ ⠀⠀⠀ #山竹媽X竹豆日誌 #新手媽媽 #竹竹 #育兒日誌 #二寶媽 #孕媽媽 #孕媽咪 ⠀⠀⠀ #加固心得 #母乳餵哺