#防疫有策 #教你4招防菌貼士 #病從口入 #我指屋企條渠口 原來⋯原來病從口入呢句說話講得好啱，我講緊嘅口係廁所渠口啊！作為有兩個小朋友嘅媽咪，每次出完街定必會做足消毒措施，例如：用酒精噴噴鞋底、出街袋、用酒精濕紙巾抹電話，甚至連買完餸啲硬幣都會去廁所洗乾淨，至於自己？梗係全新換過乾淨衣物去沖涼啦！咁樣做莫非都係想保護自己小朋友，唔想帶嗰啲細菌返屋企！ 但點都估唔到，原來屋企條喉管分分鐘先係傳播疾病嘅主兇！早排香港有幾宗新聞都係指公共屋邨分別出現廁所播毒嘅情況，聽落都幾令人擔心。我先發現原來廁所衞生一啲都唔可以忽略，因為隨時會爆發下一波啊 於是我開始上網搵關於呢方面嘅資料，咁啱睇到呢篇關於浴室/座廁抗菌防疫知識嘅文章，提到幾點都好有用。 喺疫情下，點先做到外出保護好自己呢？坊間依家有唔少商場已經用左免觸碰嘅設備，包括：智能感應洗手龍頭、座廁及尿斗。特別適合啲跳跳紮嘅小朋友，呢頭講完嗰頭又周圍掂，用左呢啲有自動感應嘅產品，就可以避免接觸到潔具上面嘅細菌，大大減低中招嘅機會。 至於喺屋企，專家教路沖廁個陣要閂上廁所板，同埋用旋渦式沖水座廁，減少細菌向外彈。皆因一般傳統沖廁方法係直沖式，會容易啲濺起馬桶內的水珠咖 仲有個小tips，就係揀座廁個陣可以考慮一體式座廁，佢地嘅廁盤同水箱連成一體，唔會留有空隙，細菌污漬自然冇得離開我雙眼啦。 好嘅浴室潔具可以令到一屋人更放心， 睇嚟真係要介紹埋比爸爸至得！ 想了解多啲？https://bit.ly/3px4I8C