抗疫期間，我地一家唔係在家打機玩桌遊，就係行山郊遊，連外出用餐都好少，數數手指，真係成年冇食過Buffet喇! 我同鯨爸都係1月生日，今次趁住生日月，就去左香港百樂酒店Park Hotel Hong Kong食個 #粉紅草莓國度TeaBuffet ，以士多啤梨做主題，提供多款士多啤梨鹹食甜點，啱晒一家都係士多啤梨控嘅我地! 食物區真係勁多士多啤梨入饌菜式，有草莓青芒果沙律、蜜桃草莓甜酸骨、草莓班戟、草莓梳乎厘、草莓奶凍、草莓芝士蛋糕、草莓朱古力卷、草莓吉士撻、草莓乳酪慕絲蛋糕，真係食到我地飽一飽，連晚餐都唔使食~ 唔想食buffet，可以揀 #草莓戀人下午茶 定食，一樣有多款士多啤梨美饌。 酒店係防疫措施方面都做得唔錯，除左會提醒食客戴住口罩、提供埋手套比食客去拎食物，而每一款食物都有罩套住添，食客們嘅衛生意識都高左，所以我地呢餐Tea Buffet都食得好安心。 生日月去食buffet真心抵 4位去只收3位75折 （*生日月免費） 6歲以下仲免收費 長者都有65折 唔係生日都有75折，只要讚好香港百樂酒店Facebook專頁就得！ 正價收費：成人$258；6歲至11歲$228 更多親子分享，請Like & Follow 鯨魚家姐‧蝦子細佬IG同Facebook 啦!