2020年全球大爆發新冠肺炎… 呢一年就好似被吃掉一樣…整個世界都無法正常運作… 然後唔知做過咩，咁就一年…     和牛B嘅幼稚園生活轉眼就從K2返咗半個學期，聖誕假期後就直接放暑假… 然後2020年只復課了短短一個月… 又要再次進入停課，在家上網課中度過…   我嘅工作冇得停，亦沒有在家工作(work from home)。 始終唔係份份工都適合在家工作，我嘅工作唔適合…   所以呢段時間，幸好有家人代為照顧、跟進學習… 而出面大圍市道都慘淡，我亦慶幸我同老公仲有工開…   冇得返學，街都唔敢出… 放假嘅時間，唯有安排網上興趣班…     安排一連串活動，例如親子下廚嘅環節打發時間。 經過一年洗禮，和牛B已經係個小廚神(笑)~     又或者用屋企有嘅資源，再添置少少嘢令佢哋有得玩。     2020年沒有旅行，就算外出走走都會有一種偷偷摸摸嘅感覺… 始終自己有小朋友，會帶住有啲擔心，但又想出去放風輕鬆嘅心出去郊外野餐…   畢竟抗疫時間實在太長了… 大家都開始鬆懈…不過每當去到人多地方，我哋就會掉頭走… 因為始終都驚人群聚集，人多而中招…   問心我怕死，但更加怕自己小朋友中招… 又或者我中咗招，傳染到佢哋... 或我我中招有咩事，唔可以睇住佢哋大!   唯有事事小心…   寄望2021年會更好… 疫情有轉機…   ^ 希望BB可以唔洗每次外出再戴住個消焊罩出門啦…   -------------------------------------------------- 歡迎聯絡我&和牛B: chungying56@hotmail.com Mewe: https://mewe.com/p/和牛b的成長日記 Facebook專頁: 和牛B嘅成長專頁 Instagram: wagyubmami