【 親子好去處 | 迪士尼酒店半天遊 】 今年無得入迪士尼樂園慶祝生日，我哋就去迪士尼酒店華特餐廳食Afternoon Tea慶祝，仲可以係酒店半天遊，平日的酒店好小人，而且迪士尼酒店的氣氛和背景音樂令人感到好放鬆，過咗一個開心愉快的生日呢！ 我哋搭迪士尼列車到迪士尼站再轉酒店接駁巴士，一去到酒店就去接待處拎生日襟章，我的生日襟章俾左Aidan帶，結果全日Aidan收到好多祝福説話，佢就係咁同人解釋係媽媽生日，好攪笑。 酒店有間皇庭禮品店，有好多迪士尼商品，我見有些仲做緊半價優惠，另外賀年精品和禮盒都推出了，好靚呀！   酒店大堂的聖誕樹仲未收起，影相打卡好靚，我哋影緊相時，突然有卡通人物驚喜現身，係Chip and Dale呀！Aidan應該係最開心果個，係咁同佢哋揮手飛吻，因為疫情關係無得同卡通人物接觸，但可以遠距離合照都好開心呀！   由於我需要餵母乳，問左酒店職員先知大堂沒有育嬰室，但佢哋可以安排一間酒店房間俾我餵奶，在指定時間內交還房間就得，突然可以入酒店房參觀下又幾開心既，不過我哋盡量都唔掂房內的設施，又唔用房內的睡床，執房的姨姨就唔會咁辛苦啦！ 弟弟飲飽飽就到我哋去開餐喇！3點3下午茶時間開始，我哋點了一份二人份量的Afternoon Tea，今次係以15週年做主題、除左有米奇標誌外仲有城堡呢！哥哥都幾啱陪我去high tea ，佢知道要食完一層再食第二層，仲差唔多全部食哂，我同爸爸要一人一半，好識嘆。   爸爸book枱時有叫職員準備生日牌，當日仲有職員同我唱生日歌呢，so sweet。 另外，如果出示番樂園會員卡就可以享用生日優惠，有65折呀，好抵！ ======================== 下午茶小插曲 : Aidan主動話拎利是錢請我食下午茶，媽媽我聽到唔知點解覺得好感動，小暖男長大了！ 到食完俾錢果時，佢仲叫個哥哥要找錢，但哥哥話唔夠俾喎，點算？ Aidan : 我下次再有利是錢再俾你。 真係笑死我地呀，哈哈哈哈！ ========================   食飽飽我哋就去咗室外的迷宮花園玩，一個迷宮已經足夠令小朋友好開心了，下次要帶埋吹泡泡黎玩先得！我地仲見到有人係個小草地上野餐，好享受。   過左一個好開心的生日，簡單輕鬆的慶祝，見到兩個小朋友開心就足夠了！   ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com