話說我哋兩公婆都冇濕疹，不過我老公就皮膚比較容易痕癢。唔知係咪因為咁，我細女一出世都係成日周身痕，但係就未至於係濕疹爛晒面嗰隻。慢慢越大個就間唔中手腳關節位會有輕微濕疹，通常搽一兩日類固醇就冇事㗎啦。但係直至到2020年3月，即係佢四歲嘅時候，突然來了一次大爆發。全新以及面部痕得好犀利，出晒濕疹。我知道類固醇係治標不治本，但係都試咗先，不過情況似乎未能控制。咁我又試吓帶佢去睇中醫啦，但係我個女一向同中醫唔係太夾，如我所料效果未如理想。最後經朋友介紹，去到中環一個頗出名嘅皮膚科醫生度睇，佢經驗豐富，聽聞佢啲藥膏係自己調製嘅。一開頭係搽左大概一星期類固醇，之後就搽另一款不含類固醇嘅藥膏，大概四星期，細女嘅皮膚好得七七八八。當然啦，始終西醫嘅藥膏我都有啲驚驚地㗎，雖然醫生話冇問題，但係都驚會有副作用或者反彈㗎嘛。後來，一位醫生朋友教咗我一個方法，希望可以keep到個皮膚狀態。就係濕疹嘅人要不斷補cream，因為佢哋嘅皮膚鎖水能力較低，所以皮膚成日都好乾，導致痕癢。但係搽咩cream好呢？我試咗好幾款，直至到我搵到依兩隻。所以喺度分享俾大家參考吓。 ☝2020年3月 ☝2020年12月 起初，我係每日幫囡囡全身搽一款Hope's Relief cream。佢係一個澳洲品牌，由一名執業自然療法師為左幫助女兒舒緩痛苦同幫助佢嘅好朋友舒緩皮膚問題，經過多年研究所創造，並係診所裡與她的病人合作，她直接觀察草藥和順勢療法的震撼效果，而研發出了呢個獨特自然又有效，可以取代類固醇的產品。產品以協助異位性膚質、濕疹、牛皮癬、發癢及皮膚乾燥的症狀緩解為目的。呢款cream比較杰身，味道一般，但係效果非常明顯。宜家囡囡嘅皮膚狀態比較穩定，我就用佢黎搽面部同埋關節位。或者有啲位置開始想發嘅時候呢，我都會搽呢款，希望㩒得住。另外，提提大家，沖涼之後一定要搽cream！因為沖涼之後皮膚比較乾燥，而且係呢個時候搽cream皮膚會比較容易吸收。 另外呢款CeraVe cream就比較易推開，加上係泵泵裝，方便使用，我宜家就會攞嚟全身搽。兩款夾住用！呢一款係美國品牌，擁有專利技術MVE ®Technology，即一種多層水油包合的乳液科技，能將修護及保濕成份分層包裹。有別於傳統上採用的「一次性釋放」方法，MVE ®Technology能令產品塗在皮膚後逐層釋放Ceramides等保濕及修護因子，有助延長因子滲入皮膚後的釋放時間，並持續滋潤肌膚。此外，CeraVe更屢獲美國國家濕疹協會頒發Seal of Acceptance™官方認可。 當時我囡囡啱啱康復嘅時候，我一日幫佢揸5-7次cream。而家每日同佢搽三次cream。日日都唔敢少。我自己覺得濕疹皮膚係搽cream比lotion嘅效果好。好幸運地，直至到而家差不多一年啦，細女都未復發過，皮膚keep得還可以。 以上部份資料係源於產品嘅官網。絕無廣告成份，純粹個人分享，希望幫到大家。 Follow Me IG : @conniemamaaa FB : @conniemamaaa