[小熊與薯片兔的生活日常] 忙碌的煮飯媽-寶寶副食 (粥仔)   終於決定帶妹妹回澳門。   不經不覺，妹妹已經十個月大了。今次妹妹回澳門，要隔離21天，由爸比喺隔離酒店照顧妹妹。而我就留喺屋企照顧哥哥同埋做煮飯媽，準備妹妹喺隔離期間嘅副食，送去隔離酒店。 (21天會好快過，加油)        朝早起身後，送哥哥返學，然後就開始煲湯(淮山茨實西施骨湯)。中午，開始準備妹妹嘅副食同爸比嘅生日晚餐。妹妹嘅粥，我會用湯底黎煲，然後另加一份瘦肉一份蔬菜打蓉。   爸比嘅晚餐，平日我都不用準備，因為隔離酒店會安排。因為今日係爸比生日，所以我特別準備左生日晚餐俾佢 (芝士蛋糕，燒牛肉飯，煙鴨胸，炒菇，焗蟹蓋)。   傍晚，準備哥哥晚餐。哥哥而家2歲9個月，都可以開始食大人嘅食物，但我習慣會分開煮一份兒童餐俾哥哥。哥哥開始會挑食，成日借啲依唔食蔬菜 (今晚整左菠菜忌廉湯炮製佢)。另外，準備左蕃茄蓉+免治牛肉黎整通心粉。      妹妹副食做法： - 淮山茨實西施骨湯  1. 淮山茨實，洗乾淨，備用。 2. 將水注入湯煲，煲至水滾，然後放入西施骨，飛水。 3. 將已飛水的西施骨拿起，備用。 4. 再注水入湯煲，煲水至水滾，放入西施骨+淮山+茨實，中火煲大概2個鐘。  - 瘦肉粥 (我用淋瘦肉，肉質比較嫩) 1.  準備一煲滾水，將淋瘦肉飛水，拿起，備用。 2. 用已煲好的西施骨湯去煮粥，粥裡放入淋瘦肉+米一同煲。(米和湯的比例：1比12)  3. 準備一份菜，清洗好，烚熟，打蓉，倒出備用。 4. 將粥裡的淋瘦肉拿出，打蓉。 5. 加入已打好的菜蓉+淋瘦肉蓉，與粥攪拌混合。   #薯片兔回澳 #忙碌的煮飯媽 #寶寶副食 #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/   生活易靚太 club： https://wow.esdlife.com/bi_be   香港媽咪幫 mamibuy：小熊與薯片兔媽媽 https://mamibuy.com.hk/home/19407