我地早幾個月搬咗去新居，有一個真正屬於自己嘅屋企！貝貝間房就成為全間屋最花時間設計，最落重本嘅地方。因為全組傢俬都係訂造，之前post相嘅時候，大家嘅詢問度都好高，同埋我收貨後真係好滿意，黎緊我會介紹吓呢組床，今集post住啲靚相先！ 其實我同貝爸對家居設計係完全唔熟悉，初時真係完全唔知要去邊度搵人訂造設計，同埋當時撞正疫情剛剛爆發，又唔想四圍外出，唯有上FB search唔同嘅設計公司，睇吓有無咩reference 。而我自己對家居佈置確係幾高要求，因為往後長時間都喺度住，我好怕啲款式過咗幾年後，睇返會覺得過時，所以我好謹慎選擇。 新居嘅細房空間有限，仲要有個長到瞓得落一個大人嘅窗台，所以設計嘅時候，我首先要考慮擺得落2張床，同時又想要個大衣櫃同足夠嘅收納空間。如果之前有留意過我story嘅朋友，應該知道貝貝啲衫仔係多到幾得人驚！ 但我真係search咗好耐都揀唔啱心水，啲小童床款一唔係就極極極娘，一係啲款就好普通，唔知點樣先可以盡用細房空間。直至FB突然彈咗依家呢間設計公司嘅廣告，我第一眼睇已經叮一聲！無論佢嘅款式、色tone、設計上我都好鐘意，而且見到佢地相簿有好多reference ，可以設計到間房物盡其用！我剩係睇佢地嘅相簿，已經好快諗好間房可以點樣規劃，齋睇相已經超級鐘意，但當我收到佢哋嘅報價之後，的確令我有啲卻步，因為比我想像中貴咗好多！而且我都好擔心，究竟網上睇嘅嘢信唔信得過？ 最後，同貝爸再比較吓其他公司嘅款，大家都同意去呢間門市見下個設計師，睇多啲佢哋嘅reference，聽下意見。傾談嘅過程中，設計師都比咗好多意見，仲畀咗好多唔同地方嘅實物相我地睇，現場仲有得睇實物，肉眼睇同我網上睇到嘅設計圖都幾乎一樣，啲用料又好好，成個色tone都係我想要嘅野。而且原來大概落實咗個設計之後，設計師除咗會畀3D圖，仲會畀埋個VR我地睇，感覺好可靠！ 見面後，貝爸好快都同意揀呢間，一擊即中，我自己都好開心，因為睇完真係更鐘意呀！ 床：https://www.facebook.com/morefurniturestore Photog：https://www.instagram.com/froggy_shootingstyle/   下集會講埋設計過程同埋售後服務～ 希望你地喜歡我嘅分享，有咩問題可以去FB PAGE / instagram 直接PM 我丫！ —————————————— MeWe: https://mewe.com/p/bowl_lam   FB: https://facebook.com/profile.php?id=155831361844211   IG: https://www.instagram.com/bowl_lam/