到咗入住篇啦，貝貝非常鐘意，仲好記得貝貝第一眼見到成品嘅時候係幾咁開心！成日都提住自己個新屋屋，連我自己都好鐘意擒上去同佢玩同埋陪佢瞓，感覺就好似去宿營咁，雖然佢同姐姐二人同房，但大家都好似有個屬於自己嘅私人空間。 我都估唔到實物嘅收納空間真係如此多，設計師真係用盡晒每個角落，非常適合香港嘅小窩居！ 一開頭我最擔心係個3尺衣櫃會唔會太深，拎野好唔方便？但係絕對比想像中好使好用！ 左邊我地就隔開個衣櫃用黎擺bb車、滑板車、抽濕機，平時用黎囤貨嘅日用品。旁邊仲加咗個活動掛衣鈎，用黎擺袋同落過街嘅外套、頸巾、帽等等。 大衣櫃前後兩條鐵通掛衫，入面就放啲比較少著嘅大褸或轉季衫，其實入面啲衫都好方便攞，外面就放啲比較常用嘅衫。下面就擺咗幾個膠箱放轉季衫，估唔到中間仲攝到兩個暖爐，連麻雀枱都可以收埋入去！ 窗台床下面都隱藏咗幾個收納櫃，床頭隔離又有個敞門櫃，可以畀姐姐放佢啲日用品。 講到我最滿意嘅地方，就係設計師偷咗啲位做書枱，等貝貝大個啲就可以有屬於自己嘅學習空間。書枱下面同樓梯亦都做咗幾個櫃筒，所以收納空間真係好充足。 我覺得呢張床真係好值得呀，除咗美觀，用料靚得黎又實用！考慮埋長遠打算的話，訂造最好嘅地方就係可以因應自己需要，決定點樣設計，依家呢張床絕對可以住到貝貝好大個都無問題！ 設計師又有耐性解答我地任何問題，又無溝通唔到嘅情況，改完之後嘅設計圖又好快交俾我地，最重要其實無乜改動就做到晒我心目中想要嘅野。最特別係佢地會準備埋3D VR 俾我地上陳列室睇，戴住個VR眼鏡就可以更清楚感覺到成品嘅效果同埋現場比例。所以今次真係誠意推介呢間公司畀大家。佢地仲會做埋全屋家居設計，同埋有好多其他好靚嘅兒童床呢！   希望大家都鐘意我呢幾篇分享，亦幫到準備裝修嘅家庭啦！，有咩問題可以去FB PAGE / instagram 直接PM 我丫！ 床：https://www.facebook.com/morefurniturestore —————————————— MeWe: https://mewe.com/p/bowl_lam   FB: https://facebook.com/profile.php?id=155831361844211   IG: https://www.instagram.com/bowl_lam/