去邊度食盆菜，自己煮的 預祝大家新年快樂! 身體健康 !  小朋友學業進步! 昨日是農曆除夕，突然之間想食好D， 之前一早同家人吃大餐如大盤菜， 今晚自己弄了“懶人版鮑魚海味迷你盆菜” 我又沒有整盤菜嘅經驗，自己要煮咁多餸， 真係好頭痕，我寧願留時間去做大掃除， 今日清了2大袋黑色垃圾膠袋， 做人要段捨離，一些無謂嘅雜物(已經不用) 就唔好放喺屋企，或者二手出去俾街坊， 留多些空間！ 加上今日去百佳見到罐頭鮑魚有優惠 $98有4罐4-6粒一口小鮑魚，送五香肉丁， 平時食開嘅螺片減到23文一罐， 真係超級簡單嘅盤菜，材料有 冬菇、乾瑤柱、紹菜、西蘭花、百福滑豆腐、$23金御膳鮑汁螺片和$20一口鮑魚一罐，另加外賣$89元滷水鵝拼盤。 首先預備大砂鍋，用雞湯煮滾紹菜和西蘭花，加入浸軟的冬菇，倒少少罐頭螺片嘅鮑魚汁，中火蓋上蓋子一陣，再較小火加入多件滑豆腐、乾瑤柱， 然後把滷水拼盤料放上去，最後才加入鮑魚在面，蓋上蓋子一陣，如果發覺湯太多，可以倒掉的，最後又倒入已溝螺件的鮑魚汁及少少蠔油在上面，就食得了。 以為食唔曬，最後竟然我同老公食曬！最正竟然係紹菜同西蘭花，因為好有鮑汁和乾瑤柱嘅鮮甜味，唔加入蘿蔔嘅原因，係未有時間煮淋佢，豆腐也不錯! 由於預備太多料最後食曬，先至忘記加入我媽已發的海參(仍然在雪櫃) #迷你 #創意菜式 #盆菜 #自製盆菜 #家的味道 #懶人版 #簡易食譜 #食譜 #烹飪 #家庭主婦 #做節 #農曆除夕 #食飯 #新年快樂 #創意 #自製菜式 #新年盆菜 #過肥年 #新年快樂 #80s #foodblogger #hkblogger #hkinfluencer