[ #親子好去處 ] #娘家 之旅(下集) #風車轉轉轉 #白千層 之路 #屋村遊樂場 #懷舊文具店 點解好似唔覺有娘家之旅(上集)嘅?? 因為有太多積埋唔得閒寫囉..哈哈。 先來介紹吓 #年初二 #回娘家 之旅 。 我哋先係 #大圍 食完個茶記早餐(今次不介紹，因質素麻麻)，然後行去 #車公廟 。好多人可能以為去車公廟一定要係車公廟站下車，但其實以前未有這站時，我都係喺大圍站去，其實都好近架。 而且經過城門河的前段，又可以睇 #白鷺 。 其實車公廟是一座香港二級 #歷史建築 ，不一定要 #祈福 ，也可以帶小朋友來參觀，認識中國歷史建築物。 農曆年初二才是車公誕，但因為年初三是赤口，不宜拜年，所以以往年初三的人潮比年初二的多很多很多。 以前孖媽未結婚時，逢初三都會踩單車經過車公廟，都見到條龍極之長。 所以今次年初二去，不算多人，排了約7分鐘左右，就能進場。   但今年車公廟要登記入場，用「安心出行」或即場登記也可。 我哋揀咗即場登記，其實都好快完成，只須派一人做代表登記一個名和一個電話就可以。 入面香火鼎盛，我哋影咗少少相，就出去戶外嘅賣風車區，買番兩個風車轉轉運，希望來年一帆風順，疫情快快過去~ 買風車一定要格吓價，囝囝睇中咗個金色風車，聽到有檔賣68元，後來我問另一檔賣48元，即刻諗都唔諗就買。其實唔知係咪仲有得平，但我又懶得逐間問，都算慳咗20蚊先。 家姐果個風車細D，賣15元，加埋都係63元，而且店主仲送多兩個褔牌俾小朋友。 之後小朋友揸住風車係 白千層之路(翠田街)跑跑跑，風車也轉轉轉，玩得好開心。 以前放學去幫人補習都會經過白千層之路，由細都大都覺得條路好靚好靚。 一路行去到兒時常常去玩的遊樂場(隆亨商場隔離)，翻新後更好玩，仲多咗囝囝最愛的挖土車，但可惜現時遊樂場被關閉。 其實屋村的遊樂設施配套很好，隆亨邨除咗有遊樂場，仲有roller場。 最後行到 #顯田遊樂場 ，真係由細玩到大(其實係我初中時才起好)。二十多年前，我時常帶弟弟來玩呢! 未翻新前，孖媽時常在這裡圍圏跑步。翻新後，我亦曾帶過囡囡來玩。不過當時她年紀太小，好多野都未啱玩。 顯田遊樂場依舊分了兩邊都有遊樂場，也增設了特定的緩跑徑(以往是沒有的)。   跟住行去商場探探幫襯咗三十幾年嘅文具店，但可惜初二休市，唯有看看隔離另一間文具店，懷舊味濃。人老了總愛緬懷過去。 後記 1)趁住農曆新年，帶小朋友去風車廟參觀，從而認識中國傳統習俗也是一個不錯的新春活動。 2)雖然冇得去遊樂場玩，但四周行行走走又能發掘新的事物。 3)娘家永遠是媽媽的避風塘，不用怕說話不夠得體，也不用怕舉止不夠溫文。   隊友說為何我整天坐著，動也不動? 我說在自己家嘛~ 讓我好好享受這自由舒適和放鬆吧!沒有一個地方比這個地方能容納最真實的自己。 在外面，面對多大的風或者多大的浪，我也扮作豪不愄懼。 在外面，即使我對別人多有禮友善，也不一定得到同樣的對待。 回到娘家就讓我當一日的「廢人」吧!   如果鐘意我嘅分享，請俾個 #like 支持吓，感謝您啊~ 歡迎讚好專頁得到更多免費資訊更快緊貼我們的最近動態 ~Facebook page: https://www.facebook.com/Miss.swanswan   ~Instagram: (更多孖寶和孖媽的生活趣事) https://www.instagram.com/little_twin_stars82   其他新年打卡特選~ [親子好去處]穿越時空的小格格和小阿哥 https://www.facebook.com/Miss.swanswan/posts/443909437042949 [親子好去處]賀年服打卡首選~新年氣氛滿庭園(過往3年的賀年照) https://www.facebook.com/Miss.swanswan/posts/439962530770973 [親子好去處]點至山頂咁簡單~多個免費玩法~新春優惠 https://www.facebook.com/Miss.swanswan/posts/448303129936913 [新子好去處]牛年去牛公園~應節呀~ https://www.facebook.com/Miss.swanswan/posts/449208469846379 其他創作文章(包括更多好去處): https://www.facebook.com/Miss.swanswan/posts/341412797292614   #親子活動 #假日好去處 #kidslife, #hkmomlife, #hkblogger, #hkmum, #香港遊 #本港遊 #我愛香港 #打卡 #新年打卡 #新年好去處