好多朋友都知我屋企好...<變態>，就係無比電子奶咀小朋友的習慣，小周董已7歲除左而家要上zoom堂同做功課，其他時間佢都無用電話/玩ipad，好多朋友問我究竟點做到? 究竟呢個年代唔比小朋友電子產品佢地會變成點? 無電子奶咀有咩好處同壞處? 今次想用2篇文章同大家分享我呢7年來的親身經歷 ^^ 究竟點做到介掉電子產品? 第一步: 堅持.... 亦都係最重要的一步。我同老公由決定生小朋友前已有共同理念係培養小朋友閱讀習慣，所以睇得多TV、IPAD同電話，畫面太豐富有比較以下拎起本書點會吸引，所以大小周董2歲前我們家係完全無開過部TV，直至3歲後每天才有半小時TV TIME，每天堅持有STORY TIME，除左令到佢地唔怕拎起本書，亦有效提升親子關係。   出街堅持一定要帶住2本書、幾張白紙、同幾枝筆，不論出街食飯等食中可以看書，坐車亦可以用紙筆玩小遊戲，雖然拎部電話比佢地成餐飯真係會容易好多，但因為我係WORKING MOM我會當呢個都係我同小朋友的小小親子時間，只要父母肯同佢地一齊睇一齊玩，要相信小朋友一定係鐘意爸媽多過部電話。   第二步要同小朋友有多D不同活動，無電子產品小朋友一定會較悶，所以同佢地可以出去玩多D或者做下運動，發洩下多餘精力，另外平時如果坐車長時間，腦入面要唸定一D用把口/用隻眼可以玩的小遊戲，(例如簡單的中文字接龍，鬥講不同顏色/形狀東西，鬥快搵到10架黑色車等等)。家長要有耐性同認真玩，就算一小時車程時間都可以過得好快 ^^   第三步父母要作好榜樣，想小朋友唔玩電子產品，自己首先要先介掉((當然我明白係好難....我意思係在小朋友面前介掉 ^^'' )) 我都唔記得自己幾多年無睇過電視劇集，有時有D節目好想睇，我同爸爸都會等小朋友訓晒10PM後才開場。另外，大小周董係男仔特別鐘意模仿爸爸，所以爸爸的堅持同陪伴係十分重要，本身爸爸鐘意睇書同做打TENNIS，大小周董亦都有受到感染，有樣學樣係真架, 所以身教真係好重要。   其實好多人話好難唔比電子奶咀小朋友，我原本覺得唔好比佢開始就唔需要去介掉，可惜今時今日小朋友一定要透過電腦返學做功課，逃唔過一定要使用電子產品，但亦都係因為每天己經有幾個鐘走唔甩，所以其他時間更加需要控制小朋友使用時間，其實回想返早20年前完全無電子產品，我們都係一樣開心地成長，所以父母 <堅持> 真係好重要，唔好小朋友喊幾句或者發下脾氣就可以得到手機/IPAD，說好半小時就半小時，準時熄機，如果佢喊或者發脾氣我會唔理佢，什至罰佢明天由半小時減至15分鐘，比小朋友知道喊或者樓計係無用，其實少D電子產品屋企人會多左真正相處真正坐低傾計，關係點都會CLOSE D開心D...呢樣肯定係真既，所以大家一定一定一定要堅持啊 ^^ (#重要的事要講3次 ) 下一篇我會同大家分享大小周董這些年來無電子產品係玩咩架呢? 大家如果都想同我分享你的經歷，歡迎加我FACEBOOK同IG，INBOX同我開心SHARE啊 ^^ FB: 小周董世界 IG: 1437rita https://www.facebook.com/1437ritaandhim 歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的BLOG平台分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle,   U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)