由疫情開始, 米豬停課到而家, 足足一年幾了, 大家都逐漸習慣宅在家攬住部電腦過日子, 爸爸要zoom meeting, 米豬要zoom class, 我要同朋友仔facetime見面, 由上年3月開始, 我地屋企已經逐步發展成智能家居smart home喇~ 最智能嘅, 應該係 - 電視機 啦! 呢一年我冇咗佢真係唔知點過!! 上堂又係佢, 上網又係佢, 煲劇又係佢, 米豬睇卡通都係佢!! 我地部電視可以上網, 真係方便好多呀~ 米豬有時自己拎住個remote亂咁gum都開到BLIPPI *0* So much to learn about~ that will make you wanna shout! BLIPPI! (網絡圖片)   當然~ 成部電視嘅控制權access control係响我同爸爸手上啦~ A_Av 而家對電視電腦對得多, 記得要定時休息眼仔啊~ 我地屋企每日睇嘅, 又點止BLIPPI呢~ 仲有個Phonics channel想介紹比大家, 係由BBC推出嘅 Alphablocks 純正英式發音~ 米豬啲phonics除咗老師教之外, 都响度溫習 (又稱洗腦) 返嚟ga~ (網絡圖片) 同埋我地成日都做嘅親子瑜伽, 香港搵唔到太多相關嘅片, 我就睇台灣家家老師親子瑜伽多, 因為佢囡囡同米豬差唔多大, 一齊做嗰陣都幾合作ga~ 响屋企可以伸展吓已經好開心喇~ 另外今年仲靠一個好重要嘅遊戲嚟keep fit, 就係ring fit喇~ 成功將我變成波嘅速度減慢咗2個月咁大把XD (錯誤示範) 為咗保持每日都有唔同Idea煮飯, 煮食channel 當然唔小得啦~ 唔係點食到米豬肥肥白白先? 仲有一件事大家可能未知, 我今年unlock咗新技能 - 疱丁解牛! 自己開咗件牛肩胛, 仲切埋做韓燒片添~ 是咪勁先? (開一件牛真係好攰, 我下次會乖乖地課金比專業人士XD) 呢舊肉肉玩咗我2日~ 但成功切晒嗰陣,真係好有滿足感~ (比個叻我唔該~)   你地呢? 呢一年過成點呀? 希望快啲可以疫情退散, 大家一齊去公園除罩奔跑啦~   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/