有無媽媽睇過呀？純分享，唔想再有BB比拒累到。 事原我女女1月因為個頭鍾意出汗工人姐姐又無洗乾淨，之後就因為有細菌出咗啲紅疹，同埋甩左一圈頭髮，之後系保險經紀介紹下去睇左溫X宇，拒開左支類固醇藥膏，診金800+藥費220，擦左幾日後原本平面既患處生左一粒凸起既大瘡，我唔敢再擦，之後轉睇另一個兒科醫生，開左眼瘡消炎膏，擦左一排無明顯好轉，仲生多左原本D紅疹，又再轉睇皮膚專科，醫生話懷疑係金黃葡萄球菌，拎左消炎藥膏同埋口服抗生素。擦左一排之後，原本D紅疹好得7788啦，但粒凸起既大瘡依舊無好轉，直至前晚3月11號，擦藥發現痴住系粒瘡隔離又生多一粒細既。跟住鑑於之前擦完一排粒瘡無好轉情況下，又去睇另一個朋友介紹的醫生，今日睇完拎左藥，後續情況待觀察。 但我想講既重點係我之後睇既幾個醫生我都比拒地睇過我第一次開既藥膏，話擦左幾日生左呢粒瘡，幾個醫生睇完支藥膏都即時表示，呢隻類固醇藥膏，類固醇成份太重，明確話我知呢粒瘡係呢隻藥膏導致。小朋友唔應該用錦重類固醇。 今日個醫生仲話我知，果個位置皮膚已經因為用藥過重，導致皮層薄左，萎縮，變黑。 完全無仇報，為左呢粒野已經睇左幾千蚊醫生⋯都唔知幾時先好得返