想飲茶食腸粉  ？ 在屋企隨時都食到啦！自家製腸粉2味～ 蝦仁腸粉、南瓜腸粉 好耐無飲茶食點心，尤其掛住腸粉和燒賣，依家有 這部 Rasonic 層層疊腸粉電蒸鍋，我在屋企都可以即製到新鮮腸粉、糕點啦！ 除咗傳統嘅蝦仁腸粉，我仲整咗南瓜腸粉俾唔食蔬菜嘅海馬寶寶! Rasonic層層疊腸粉電蒸鍋，功能多多，既可用特設嘅腸粉專用製作盤自製嫩滑腸粉，又可用上蒸架蒸各式各樣的點心，點心午餐無難度! 如果佢偵測到唔夠水或過熱，會自動熄機，唔怕蒸嘢蒸到乾水煲燶煲！電蒸鍋所有組件都易拆易裝，可以隨意組裝單層或雙層使用，而且清洗都好容易。另外佢仲好貼心送埋寬膠刮和量杯，捲腸粉更方便！ 整腸粉真係幾好玩，同埋真係唔難！ 新鮮整出嚟嘅腸粉真係無得同外賣回家嘅腸粉比較，口感和質地都係新鮮好好多! 一邊整一邊食，有趣又滋味，我哋都食好多! 部機操作簡單，有得預定腸粉製作時間，就唔怕蒸過龍！蒸架除咗點心，仲可以蒸蛋、蒸飯⋯等等都得，用途廣泛～ 介紹返海馬媽媽嘅腸粉俾大家 有興趣試吓整，好簡單～同小朋友一齊整都可以啊！   蝦仁腸粉 （2條） 蝦仁 10-12隻 蔥粒 適量 菇粉、胡椒粉 適量 腸粉預拌粉 30g 水 90g 油 少許 1.先用菇粉、胡椒粉醃蝦仁15分鐘 2.蔥切細粒 3.腸粉預拌粉加入水攪拌均勻 4.預熱腸粉機，在腸粉不銹鋼盤輕輕掃上一層油，之後落一半預拌粉漿 5.在粉漿上放上蝦仁及蔥粒 6.放回腸粉機蒸3分鐘 7.取出放涼1分鐘後即可用膠刮將之捲起成腸粉   南瓜腸粉 （2條） 南瓜 1/3條 蔥粒 適量 菇粉、胡椒粉 適量 腸粉預拌粉 30g 水 70g 油 少許 1.先蒸熟南瓜，起肉壓成蓉 2.蔥切細粒 3.腸粉預拌粉加入水攪拌均勻，加入4茶匙南瓜蓉攪勻，再過篩隔渣 4.預熱腸粉機，在腸粉不銹鋼盤輕輕掃上一層油，之後落一半南瓜預拌粉漿 5.在粉漿上放上蔥粒 6.放回腸粉機蒸3分鐘 7.取出放涼1分鐘後即可用膠刮將之捲起成腸粉 喜歡的可以食之前加一些豉油~~ #腸粉 #層層疊腸粉電蒸鍋 #飲茶點心 #cookingmama #Rasonic #Rasonic快樂煮意   ————————————   請Like Facebook 海馬仔成長日記  │ 亦歡迎大家電郵聯絡我們試用產品或出席活動~ =====海馬仔Channel===== Facebook │ Instagram │ Blogspot│Girlssss SundayKiss│ Ohpama.com│ Cook1Cook│MamiDaily Mamibuy │ ESDLife │ 媽媽經 │ 親子集合#tagmum  ilovemama │ She.com│U Blog│WeShare│Pixnet 部落格