【 迪士尼探索家酒店半天遊｜米奇下午茶 】 開完生日會第二日爸爸就帶我哋去迪士尼探索家酒店食下午茶，原來爸爸一早已經book好枱，想俾驚喜哥哥，估唔到爸爸又幾有心思喎！   我地坐mtr到迪士尼站再轉酒店接駁巴士，探索家酒店係第一個站落，但我哋想去迪士尼酒店的禮品店買嘢，所以在第二個站落車。 Shopping完帶兩兄弟去室外的迷宮花園玩，原來酒店的室外遊樂場已經開番喇，可以玩Sir滑梯，哥哥勁開心。     夠鐘就出發去探索家酒店，去到可以去櫃位拎生日襟章和一張遊戲紙，呢張遊戲紙集齊4個印仔就可以換一份小禮物，係貼紙同明信片。   酒店大堂仲有個小小電影區，有迪士尼卡通睇，仲有叢林商店，又可以Shopping啦！     我地仲見到唐老鴨同高飛呀~~   玩完小遊戲又買完野時間啱啱好，我地book左3點食下午茶，芊彩餐廳的 Tea Set真心覺得勁正！唔簡止有質素而且係充滿迪士尼氣氛的環境下用餐特別開心，而且好啱帶埋小朋友黎食呀，成個 Tea Set都有好多米奇的影子。   Book枱時有講到係哥哥生日，所以係甜品的木碟上有寫happy birthday，仲有得吹蠟燭唱生日歌，Aidan勁開心呀！   成個 Tea Set有6款指定甜品，4選2的輕食主菜。甜品拼盤有小朋友最愛的新鮮水果串、口感清新的紅豆綠茶奶凍、朱古力焦糖慕絲蛋糕、葡式麻糬蛋撻、食唔停口的金黃迷你雞蛋泡芙、米奇造型的鬆餅。 輕食主菜我哋揀左芊彩西冷牛角漢堡和越式金黃春卷伴蒙古嫩羊柳串，全部都整得好精緻好好味，大人小朋友都好啱食。 睇完相係咪覺得好吸引呢！如果你哋有迪士尼樂園年卡，記住book枱時問下有無折扣呀，我地就可以用哥哥的生日優惠，有7折，好抵呀！   食飽就出去室外花園散下步，室外的大草地超靚呀，仲要望到海！Aidan可以係到盡情跑，媽媽又可以同弟弟影靚相，好開心！     哥哥4歲生日相~~   對比迪士尼酒店的高貴優雅，我反而更加喜歡探索家酒店的叢林設計，好有特色，真係有渡假放鬆的感覺，爸爸都話要安排時間黎住番晚先得，yeah！ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com