話說好耐無帶菠蘿包去playroom玩啦！ 係fb到發現到呢間playroom見到星期六日好full都要一早預約先可以入。 咁岩琴日菠蘿包有特別原因要做逃學威龍，所以完成任務後就帶左去放電啦！ 去過幾間playroom真係好小可以貼身到有鎖儲物櫃比客人放隨行物品。 換左防滑襪後就入去啦！（優惠期每位會送防滑襪一對） 呀媽比呢條滑梯吸引左囉。 本身應該係波波池黎疫情關係所以就咁冇咗。 因為菠蘿包仲係有少少怕滑梯唔夠膽一嚟就即刻玩呢個，我哋去玩左其他嘢先。 呀媽好鐘意佢地個廚房呀！見到好想尖叫！！！ 仲有工程部，有得做吓木工同埋砌Lego。 菠蘿爸：爸爸跳高d我要飛高高！ 去到沙池發現變左木粒粒，不過菠蘿包都玩得好開心。 成功挑戰完旋轉滑梯我哋就去想試吓挑戰場滑梯！ 之後發現原來有得玩歷奇架，不過維修中無得玩！等佢地整好約埋表哥黎玩先！ 整體上都唔錯好乾淨衛生，職員都好鍾意小朋友好有愛心又細心！   Playroom：100fun 地址：樂富廣場B區3205-3208號鋪 電話：3615 0159 Facebook：https://www.facebook.com/100funhk/   收費：（最新資訊請留意佢地既fb，佢哋冇講個優惠幾時完） 星期一至五無限任玩 - $150 一大一細 額外一位大人/小童 $70 （中途有個時段係要清場半個鐘消毒，然後保留手帶待清毒後再入去玩，隔離有間佢哋嘅餐廳可以喺等候時間去食個T）     星期六，日及公眾假期 - $170-$200 一大一細 額外一位大人/小童 $85-$100 （按不同時段收費） * 注意星期六日及公眾假期係無全日任玩架！