#去最新海濱打卡點 #野餐嘆五星級酒店hightea #最後坐埋摩天輪 近來港島海濱長廊多左個打卡點，就係位於灣仔嘅碼頭旁嘅Chocolate Rain作品畫廊。除左四圍嘅牆同地佈滿可愛嘅畫，仲有D大大隻嘅吹氣公仔！ 不過呢個位交通麻麻方便，加上地方唔太大，住得遠未必會專登過嚟睇。諗諗下，其實沿住灣仔海濱長廊行向西邊都好多野玩bor~不過就需要D腳骨力~ 阿娘的灣仔至中環海濱半天遊行程建議： 1. 灣仔Chocolate Rain海濱長廊- > 2. 粉紅花海海濱長廊 -> 3. 取預訂了的君悅酒店Tiffin的外賣下午茶餐 4. 添馬公園野餐，享用Tiffin下午茶-> 5. AIA Vitality 公園搭$20抵玩摩天輪或戶外影院睇套戲（兩樣都可先於上網預購門票） Google Map顯示以上路線行大概1.8公里長，唔停的話，估計只需行23分鐘。不過阿娘行過感覺比較漫長，可能係海濱位置長期好曬~ 另外，如果唔諗住野餐high tea，由灣仔碼頭行去添馬公園，可繼續沿海行，途經香港動漫海濱樂園，即金紫荊廣場旁。 簡單介紹下Tiffin下午茶，Tiffin係阿娘好鍾意去Tea嘅餐廳！除左食物有質素，最吸引係堂食有任食雪榚。今次揀外賣無雪榚，不過可以帶去野餐，坐係草地慢慢睇住日落食都係另一番滋味。價錢都比堂食平，二人份量tea set係kkday都係$438。飲品係俾兩個茶包，所以拿回家先有得飲。（購買傳送門：https://www.kkday.com/zh-hk/product/104272?cid=11437) 想看看奶油仔的日常趣事，歡迎光臨Facebook Page《奶油阿娘與寶寶》和Follow Instagram《nylemamaandbaby》。